Qalı Rahmetov: Áleýmettik kodeks azamattardyń áleýmettik quqyqtary men mindetterin aıqyndap beredi
2022 jylǵy 18 qańtar 10:01

Qalı Rahmetov: Áleýmettik kodeks azamattardyń áleýmettik quqyqtary men mindetterin aıqyndap beredi

KÓKShETAÝ. QazAqparat - Memleket basshysy Qasym-Jomart Toqaev Májilis otyrysynda Áleýmettik kodekstiń qabyldanýyn qamtamasyz etý týraly tapsyrma berdi. Bul kodeks azamattardyń áleýmettik quqyqtary men mindetterin aıqyndap beredi. Aqmola oblysy kásipodaq ortalyǵynyń tóraǵasy Qalı Rahmetov osylaı deıdi, dep habarlaıdy QazAqparat tilshisi.

«Memleket basshysy Úkimetke alda turǵan mindetterdi sheshý jáne 2022 jylǵa arnalǵan is-qımyl josparyn ázirleý jóninde tapsyrmalar berdi. Onyń ishinde halyqtyń tabysyn arttyrý týraly baǵdarlama ázirleýdi tapsyrdy. Prezıdent atqarýshy organdardyń jumystary men málimetteriniń halyqtyń shynaıy jaǵdaıy men qajettilikterine saı kelmeıtin ádil atap ótti. Bılik qurylymdarynyń ókilderi adamdardyń ómiri, olardyń umtylystary men ótinishteri týraly burmalanǵan túsinik qalyptastyrdy. Biz búkil qoǵamnyń birlesken kúsh-jigeri ǵana áleýmettik ádilettilik qaǵıdattaryn ilgeriletý men Qazaqstandaǵy eńbek adamyna laıyqty jaǵdaılardy qamtamasyz etý úshin negiz bola alatynyna senimdimiz. Osyǵan baılanysty Kásipodaqtar federatsııasy eńbek zańnamasyna ózgerister engizý boıynsha maqsatty jumys júrgiziip jatyr», - dedi Qalı Rahmetov.

Onyń aıtýynsha, Prezıdenttiń Áleýmettik kodekstiń qabyldanýyn qamtamasyz etý týraly tapsyrmasy ózekti bolyp otyr.

Osy arqyly pandemııa syn-tegeýrinderi men jınaqtalǵan problemalardy eskere otyryp, áleýmettik saıasatty jańa bolmysqa beıimdeý qajet.

Áleýmettik kodeks jańa qoǵamdyq sharttyń negizgi elementi bolýǵa tıis.

«Biz, kásipodaqtar bolashaqta áleýmettik Kodeksti qabyldaý jáne iske asyrý azamattardyń ózderiniń áleýmettik quqyqtary men mindetteri týraly biryńǵaı bilim kózin qurýǵa, normalardyń qaıtalanýy men shashyrańqylyǵyn boldyrmaýǵa, halyqtyń áleýmettik ál-aýqatynyń avtomattandyrylǵan monıtorıngin júrgizýge, áleýmettik quqyqtardy qamtamasyz etý boıynsha aldyn alý sharalaryn qabyldaýǵa, onyń ishinde proaktıvti formatta memlekettik qyzmetter kórsetýge múmkindik beredi dep sanaımyz. Eńbek ujymdarynda áleýmettik turaqtylyqty saqtaýdyń mańyzdylyǵy men jaýapkershiligin túsine otyryp, biz týyndaǵan máselelerdi sheshý boıynsha úkimetpen jáne jumys berýshilermen tıimdi ózara is-qımyldy qoldaımyz», - dep tolyqtyrdy Qalı Rahmetov.


Jańalyqtar

MURAǴAT