+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qalaı aldanǵanymdy bilmeı qaldym – Sırııadan oralǵan áıeldiń áńgimesi

2019 jylǵy 5 qarasha 19:54
Bólisińiz:
Qalaı aldanǵanymdy bilmeı qaldym – Sırııadan oralǵan áıeldiń áńgimesi

NUR-SULTAN. QazAqparat – QR Ulttyq qaýipsizdik komıtetiniń Youtube arnasynda jarııalanǵan «Shyrmaýdaǵy gúlder» derekti fılminde DAISh múshelerine aldanyp qalǵan almatylyq áıeldiń ómiri baıan etiledi, dep habarlaıdy QazAqparat tilshisi.

Almatylyq Erkejan Ermekbaıqyzy 2016 jyly eki jasar balasyn jetektep, Túrkııa arqyly, Sırııaǵa ushyp ketken. Ol DAISh quramynda Idlıb qalasynda bolǵan.

«DAISh adamdarynyń biri maǵan áleýmettik jeli arqyly shyǵyp, shynaıy musylman ekenine sendirdi. Qurannan, sharıǵattan habary bar ekenin aıtyp, ózin tanystyrady. Sol tanystyq ári qaraı jalǵasyp, olar maǵan «Siz qandaı aqıda ustanasyz?» dep surady. Sodan keıin musylman mindetin atqarýym kerektigin aıtyp, «dinı bilimińiz bar ma?» dep surady. Eń aldymen otbasylyq qarym-qatynasymdy bilgisi keldi», - deıdi ol.

Qazaqstannan barǵan áıeldiń aıtýynsha, DAISh músheleri aqyry ony Sırııaǵa kelýge kóndirgen.

«DAISh músheleri dinı bilimimniń joqtyǵyn paıdalanyp, tez aldanyp qalatynymdy baıqaǵan bolýy kerek. Ol jaqqa barsam, kádimgi úlken soǵys júrip jatyr eken. Islam dininde adamdy óltirmeıdi, musylman adamdar bir-birine kómektesýi kerek. Soǵystyń oshaǵyna, ortasyna qalaı barǵanyma sene almaı qaldym. Birinshiden, olar jer-jerden musylmandardy áleýmettik jeli arqyly jınap alady. Basty qarýy – musylmannyń atyn jamylýynda. Olardy biz jıhadqa daıyndaımyz dep úgitteıdi. Men sııaqty qarapaıym musylmandar olardy kórmeı-aq senip qalady. Sırııaǵa kelgen kezde qaıda kelgenin bilmeı qalady», - deıdi ol.

26 jastaǵy áıel Sırııadaǵy jaǵdaı tym aýyr ekenin, adamdar tamaq pen kıim tappaı, ash-jalańash dalada qalyp jatqanyn aıtady.

«Balammen barǵanda sýyq úıde turdym. Tórt qabyrǵa ǵana. Balamdy nemen asyraımyn dep ýaıym jedim. Qatty ókinemin. Túsingen joqpyn. Ózimniń qalaı qursaýǵa túsip qalǵanymdy baıqamaı qaldym. Bári kesh boldy. Artqa qaıtatyn jol joq dep oıladym. Men ólimnen qatty qoryqtym. Qandaı ana bolsyn, balasyn oılaıdy. Elbasy Nursultan Nazarbaevqa men sııaqty adasyp, aldanyp qalǵan azamattardy elge qaıtarǵany úshin rahmet aıtamyn. Men Qazaqstan Respýblıkasynyń halqynan keshirim suraımyn. Qylmysymdy moıyndaımyn. Adasyp, aldanǵanymdy túsindim», - deıdi ol.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT