+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Qalaǵan emhanańa tirkelý jaıynda eń jıi qoıylatyn 7 suraqqa jaýap

2021 jylǵy 19 qyrkúıek 10:25
Bólisińiz:
Qalaǵan emhanańa tirkelý jaıynda eń jıi qoıylatyn 7 suraqqa jaýap

NUR-SULTAN. QazAqparat - 15 qyrkúıekten bastap Qazaqstanda ambýlatorııalyq-emhanalyq kómek kórsetetin uıymdarǵa erkin tirkelý naýqany bastaldy. Medıtsınalyq saqtandyrý qory eń kóp taralǵan suraqtarǵa jaýap daıyndady, dep habarlaıdy QazAqparat.

Tirkelýge qabyldanǵan ótinish qansha ýaqyt ishinde qaralady?

Azamat elektrondyq úkimet portaly arqyly bekitýge ótinim bergen kezde bekitý nemese bekitýden dáleldi bas tartý 1 jumys kúni ishinde júzege asyrylady.

Nelikten úıge jaqyn emhanaǵa tirkelý mańyzdy?

Birinshiden, bul úıińiz ben emhananyń ortasynda 15-20 mınýttyq jaıa júrýge bolatyndaı qashyqtyqtaǵy medıtsınalyq kómekke qoljetkizý.

Ekinshiden, úıde kómek alý, sonyń ishinde qajet bolǵan jaǵdaıda dárigerdi nemese mobıldi brıgadany shaqyrý múmkindigi.

Barlyq emhanalar aýmaqtyq qaǵıdat boıynsha jumys isteıdi jáne patsıent emhananyń qyzmet kórsetý aýmaǵynda turǵan kezde ǵana úıde medıtsınalyq kómek kórsetiledi.

Men bir ýaqytta birneshe emhanaǵa tirkele alamyn ba?

Sizdiń tek bir emhanaǵa tirkelý múmkindigińiz bar, óıtkeni bekitý sizdiń JSN jeke nómirińiz boıynsha jasalady. Al, sizdi burynǵy emhanadan bosatý avtomatty túrde júzege asyrylady.

Eger men tirkeý naýqany kezinde ótinish bermegen bolsam ne bolady?

Bundaı jaǵdaıda siz buryn ózińizge qyzmet kórsetilgen emhanada tirkelgen bolyp qalasyz.

Atalǵan naýqan kezinde men basqa emhanaǵa tirkelýge ótinish berdim, ol jerde medıtsınalyq kómekti qaı ýaqyttan bastap alýǵa bolady?

Kelesi jyldyń 1- qańtarynan bastap alasyz. Aǵymdaǵy jyldyń sońyna deıin siz ózińizge buryn qyzmet kórsetilgen emhanada medıtsınalyq kómek alýdy jalǵastyratyn bolasyz.

Qandaı jaǵdaılarda meni emhanaǵa tirkeýden bas tartýy múmkin?

- Jalǵan aqparat usynǵan ýaqytta;

- Patsıenttiń naqty turý mekeni emhananyń qyzmet kórsetý aımaǵynan tys jerde ornalasqany anyqtalǵan kezde;

- Bekitilgen halyq sany jalpy praktıka dárigerine 1,7 myń adamnan, ýchaskelik pedıatrǵa 0-den 6 jasqa deıingi 500 baladan, 0-den 14 jasqa deıingi 900 baladan asqan kezde;

- Tirkelgen tulǵanyń zańdy ókildigin rastaıtyn qujat bolmaǵan kezde.

Emhanaǵa bekitilý qandaı NQA boıynsha retteledi?

Qazaqstan Respýblıkasy Densaýlyq saqtaý mınıstrliginiń 2020 jyldyń 13-qarashasyndaǵy № QR DSM-194/2020 «Jeke tulǵalardy MSAK uıymdaryna tirkeý qaǵıdalaryn bekitý týraly» buıryǵymen retteledi.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT