+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Qaladaǵy eski órt sóndirý kólikterin aýyldarǵa jiberemiz – Vladımır Bekker

2019 jylǵy 31 qazan 21:21
Bólisińiz:
Qaladaǵy eski órt sóndirý kólikterin aýyldarǵa jiberemiz – Vladımır Bekker

NUR-SULTAN. QazAqparat – QR ІІM Tótenshe jaǵdaıdar komıtetiniń tóraǵasy Vladımır Bekker aýyldardy órt sóndirý tehnıkasymen qamtamsyz etý jóninde baıandady, dep habarlaıdy QazAqparat tilshisi.

«Tehnıkalyq reglament talaptaryna sáıkes, qalalarda órtke qarsy áreket etý ýaqyty 10 mınýt bolsa, aýyldarda 20 mınýttan aspaýy qajet. Qazir bizde 4 22 órt sóndirý deposy bar. Normatıvke sáıkes, taǵy qosymsha 138 depo kerek. Al aýyldar úshin órtke qarsy 648 beket salýymyz qajet. Sol úshin 2017 jyly ákimdiktermen birlesip, órtke qarsy beketterdi kezeń-kezeńimen salý josparyn qurdyq. Ázirge aýyldyq eldimekenderde 260-tan astam beket saldyq», - dedi V. Bekker elordada Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, álemniń damyǵan elderiniń ózinde ár aýylda órtke qarsy beket salynbaǵan. Onyń ornyna jergilikti atqarý organynyń qarjylandyrýymen nemese qaıyrymdylyq arqyly jumys isteıtin órt sóndirý beketterin qurý tájirıbesi keńinen qoldanylady.

«Aýyldaǵy osyndaı órt beketterin jabdyqtaý úshin qaladan eskirgen órt sóndirý tehnıkalaryn jiberemiz. Búginge deıin jergilikti atqarýshy organdarǵa 124 eski kólik ótkizdik. Negizi bul kólikterdi esepten shyǵarý kerek, olar tehnıkalyq sıpattamalary boıynsha qalada jumys isteýge jaramaıdy. Aýylda ondaı kólikpen taǵy birneshe jyl jumys isteýge bolady. Sondyqtan, aqaýly jerlerin jóndep, aýyldarǵa jiberip jatyrmyz. Bul jumys jalǵasady dep oılaımyn. Jergilikti ákimdikter ázirge túsinistikpen qarap otyr. Ázirge órtke qarsy 260 beket salyndy jáne 2-3 jylda taǵy 400-den astam oryn ashylady», – dedi Vladımır Bekker.

Buǵan deıin Vladımır Bekker jylý maýsymy aldynda turǵyndarǵa keńes berdi jáne jeke úıdegi órt qaýipsizdiginiń buzylǵanyna aıyppul salynbaıtynyn eskertip, turǵyndarǵa órt qaýipsizdigi týraly tekserý jumystaryna qarsy bolmaýdy ótindi.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT