Qaharman feldsher: Marat Meırambek Densaýlyq saqtaý isiniń úzdigi tósbelgisimen marapattaldy
2022 jylǵy 21 maýsym 18:56

Qaharman feldsher: Marat Meırambek Densaýlyq saqtaý isiniń úzdigi tósbelgisimen marapattaldy

NUR-SULTAN. QazAqparat - QR Densaýlyq saqtaý mınıstriniń buıryǵymen Qyzylorda oblystyq jedel járdem stantsııasynyń medıtsınalyq avıatsııa bólimshesiniń feldsheri Marat Meırambek Densaýlyq saqtaý isiniń úzdigi tósbelgisimen marapattaldy, dep habarlaıdy QR Densaýlyq saqtaý mınıstrliginiń baspasóz qyzmeti.

M.Meırambek naǵyz erlik jasady - óz ómirin qaterge tigip, janyp jatqan ushaqtyń bortynda ottegi ballonynyń jarylýyna jol bermedi. Onyń batyldyǵynyń arqasynda bári aman qaldy.

2022 jyldyń aqpan aıynda aýdan ortalyǵynan 10 shaqyrym jerde «Qyzylorda-Aral» baǵyty boıynsha dıabettik komadaǵy 16 jasar patsıentti tasymaldaý boıynsha sanıtarlyq reıs oryndaǵan An-2 ushaǵy shuǵyl qoný kezinde otqa orandy.

Feldsher janyp jatqan salonnan qymbat medıtsınalyq jabdyq pen ottegi ballonyn alyp shyqty. Ballon sońǵy sátte kez kelgen sekýndta jarylyp, patsıenttiń, onyń jáne eki ushqyshtyń ómirin qııýy múmkin edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT