Qaǵaz qujattar júıeden shyǵarylyp, járdemaqylar proaktıvti formatta bekitiledi - Eńbek mınıstri
ASTANA. QazAqparat – Búgin Senatta QR Eńbek jáne halyqty áleýmettik qorǵaý mınıstri Tamara Dúısenova Áleýmettik kodekstiń jobasyn tanystyrdy, dep habarlaıdy QazAqparat tilshisi.
Vedomstvo basshysy óz sózinde atalǵan kodeks jańa áleýmettik saıasatty qurý úshin negiz bolatynyn, onyń basty maqsaty árbir otbasynyń ál-aýqatyn arttyryp, turmys sapasyn jaqsartý isiniń negizin qalyptastyrý ekenin atap ótti. Ony iske asyrý úshin memleket, bıznes jáne azamattar arasynda jańa áleýmettik kelisimshart jasaý kózdelgen.
«Áleýmettik kodeksti ázirleý kezinde halyqaralyq tájirıbe muqııat zerdelenip, Eýropa odaǵynyń Áleýmettik kodeksi basshylyqqa alyndy, biraq bul rette elimizdiń óz erekshelikteri jan-jaqty eskerildi. Kodekstiń jobasy 5 bólimnen, 19 taraýdan jáne 267 baptan turady», - dedi T. Dúısenova.
Osy oraıda mınıstr qujatta qamtylǵan tyń qadamdarǵa toqtaldy. Birinshi novella – bul memlekettik organdardyń barlyq qoldanystaǵy aqparattyq júıeleriniń derekteri negizinde qalyptastyrylatyn Otbasynyń tsıfrlyq kartasy (OTsK). Ony engizý aıasynda qazaqstandyqtar teń dárejede memlekettik qoldaý júıesiniń kómegine súıene alady.
«Sondyqtan Kodekste biz OTsK-ny áleýmettik saıasattyń orta jáne uzaq merzimdi mindetteri men baǵyttaryn aıqyndaý quraly retinde belgiledik. ıAǵnı memleket kimge, qashan, qandaı kómek qajet ekenin anyqtap qana qomaı, áleýmettik táýekelderdiń aldyn alý is-sharalaryn qarastyrýǵa múmkindik alady. Sondaı-aq, OTsK adamdarǵa SMS-habarlamalar jiberý arqyly memlekettik qoldaýdyń qandaı túrin alýǵa quqyly ekendigi týraly habardar etetin elektrondyq jarshy quraly qyzmetin atqarady. Járdemaqylar men tólemder aqparattyq júıede bar derekter negizinde proaktıvti formatta bekitiletin bolady. Qoldanystaǵy qaǵaz qujattar kezeń-kezeńmen júıeden shyǵarylady», – dedi Tamara Dúısenova.
