+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Kell Bondevık: Men úshin  Qasym-Jomart Toqaevtyń reformalary asa perspektıvti

2019 jylǵy 15 qyrkúıek 11:32
Bólisińiz:
Kell Bondevık: Men úshin  Qasym-Jomart Toqaevtyń reformalary asa perspektıvti

NUR-SULTAN. QazAqparat - Qazaqstannyń Elshisi Erkin Ahynjanov Norvegııanyń burynǵy Premer-mınıstri, qazirgi ýaqytta Oslo Ortalyǵynyń atqarýshy tóraǵasy Kell Bondevıkpen izettilik kezdesti.

Uqsas jańalyqtar
Berlınde 700 mln eýrony quraıtyn ınvestıtsııalyq jobanyń kelisimine qol qoıyldy Astanada qazaq-mońǵol bıznes-forýmy ótedi Syrtqy ister mınıstri Aqjarqyn Turlybaıdyń isine qatysty pikir bildirdi

Bul týraly QR Syrtqy ister mınstrliginiń baspasóz qyzmeti habarlady.

K. Bondevık Qazaqstanǵa resmı saparmen (2004 jyldyń mamyrynda) kelgen Norvegııanyń alǵashqy premer-mınıstri bolyp sanalady. Ári, ol 2009 jyly Álemdik jáne dástúrli dinder kóshbasshylarynyń ІІІ sezine qatysqan bolatyn.

Elshi norvegııalyq memleket qaıratkerin búgingi Qazaqstannyń saıası transformatsııasynyń kún tártibimen, sot pen quqyq qorǵaý júıesindegi reformalarymen, sondaı-aq Prezıdent Qasym-Jomart Toqaev 2 qyrkúıektegi halyqqa Joldaýynda aıtqan ekonomıka men áleýmettik salalaryn damytý mindetter týraly aqparattandyrdy.

Óz kezeginde K. Bondevık Qazaqstannyń Tuńǵysh Prezıdenti - Elbasy Nursultan Nazarbaevpen kezdesýler jaıyndaǵy jyly estelikterimen bólisti jáne jańa Prezıdent Qasym-Jomart Toqaevtyń reformalary baǵdarlamasyn quptady.

«Men Qazaqstannyń ıadrolyq qarýdan óz erkimen bas tartqan negizindegi jetistikterin jáne ıadrolyq qarýsyz álem qurý jolyndaǵy kúsh-jigerin joǵary baǵalaımyn. Sonymen qatar, memleketterińiz konfessııaaralyq dıalogty ilgerilete bildi. Bul, qazirgi álemdegi dinı negizder boıynsha kóptegen qarama-qaıshylyqtardy eskere otyryp, asa mańyzdy bolyp tabylady. Adamnyń abyroıy, qasıetti jerlerge qurmet, beıbitshilik pen ádilet ıdeıalary – bárimiz úshin de ortaq taqyryp».

Ol táýelsiz úkimettik emes uıym bolyp tabylatyn jáne demokratııa men adam quqyqtaryn nasıhattaýmen shuǵyldanatyn Oslo Ortalyǵynyń qyzmeti týraly aıtyp berdi.

«Qazaqstan – mańyzdy iri memleket; ol Ortalyq Azııa men Eýropa arasyndaǵy kópir. Men úshin jańa Prezıdent Qasym-Jomart Toqaevtyń reformalary asa perspektıvti bolyp kórinedi jáne men oǵan sáttilik tileımin», - dedi ol kezdesý barysynda.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT