+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Junior Eurovision: Qazaqstandyq ánshiler tikeleı efırde Erjanǵa qoldaý kórsetedi

2019 jylǵy 15 qarasha 15:50
Bólisińiz:
Junior Eurovision: Qazaqstandyq ánshiler tikeleı efırde Erjanǵa qoldaý kórsetedi

NUR-SULTAN. QazAqparat - 24 qarasha kúni «Habar» telearnasynyń tikeleı efırinde elimizdiń tanymal ánshileri Junior Eurovision baıqaýyna qatysatyn Erjan Maksımge qoldaý kórsetedi. Bul týraly «Habar» agenttigi Basqarma tóraǵasynyń orynbasary Rınat Kertaev aıtty, dep habarlaıdy QazAqparat tilshisi.

Uqsas jańalyqtar
«Baýyrsaq-balapanǵa daýys bereıik» -Dımash Erjanǵa qoldaý bildirdi Junior Eurovision: Erjan Maksım qazaqstandyq jáne sheteldik BAQ suraqtaryna jaýap berdi Rettik nómirim – 10: Erjan Maksım ózine daýys berýge shaqyrdy

«Bul baıqaýǵa elimiz osymen ekinshi jyl qatysqaly otyr. Qazaqstannyń úmitin arqalap bara jatqan Erjan baýyrymyzǵa sáttilik tileımiz. Jerlesimizge daýys berý 22 qarasha kúni túngi saǵat 00:00-den bastalyp, 24 qarasha kúni keshke ótetin gala-kontsertke deıin jalǵasady. Otandasymyzǵa óz daýysyn kez kelgen adam, kez kelgen elden bere alady jáne barshańyz Erjandy qoldaıdy degen oıdamyz. Sebebi bul baıqaý Erjannyń ǵana emes, el abyroıy. ıAǵnı, Qazaqstandy álemge tanytatyn halyqaralyq ımıdjdik shara»,- dedi ol.

Onyń atap ótýinshe, baıqaýdyń aqtyq syny 24 qarasha kúni Nur-Sultan ýaqytymen 21:00-de «Habar» arnasynan kórsetiledi. Al 20:30-da Erjannyń jankúıerlerine arnalǵan arnaıy shoý uıymdastyrylady.

«Habar» arnasynyń tikeleı efırinde elimizdiń tanymal ónerpazdary, belgili azamattary jınalyp, Erjanǵa jankúıer bolýǵa jáne qoldaýǵa shaqyratyn bolady. Erjannyń ánine keletin bolsaq, onyń avtory - Hamıt Shanǵalıev, al mátinin jazǵan - Danııar Aldabergenov pen Tımýr Balymbetov. «Armanyńnan qalma» dep atalatyn án, kez kelgen adamnyń armanyna árqashan umtylý kerektigin, armanǵa jeter jolda túrli qıyndyqtar shyqsa, sony jeńe bilý basty qasıet ekenin nasıhattaıtyn án«,- dedi R.Kertaev.

Onyń aıtýynsha, ánniń beıneklıpi 1 aı boıy «Habar» men oǵan qarasty telearnalardyń efırinen kórsetilip jatyr. Junior Eurovision baıqaýynyń saıtynda da beıneklıp úlken qaralym jınap jatyr.

«Klıpke Eýropa kórermenderine, álem kórermenderine erekshe qyzyǵýshylyq tanytady degen senimdemiz. Erteń buıyrsa Erjan Maksımniń shyǵarmashylyq ujymy Polsha eline attanady. 18 qarasha dúısenbi kúni jerebe tastaý rásimi bolady. Sol jerde ánshi balamyzdyń qandaı nómirmen óner kórsetetindigin biletin bolamyz. Erjan el úmitin aqtaıdy dep senemiz»,- dedi ol.

Buǵan deıin qazaqstandyq jas ánshi Erjan Maksımnyń Polshanyń Lıvıtse qalasynda ótetin Junior Eurovision mýzykalyq baıqaýyna qalaı daıyndalyp jatqanyn habarlaǵan edik.

Aıta keteıik, 18 qarasha kúni Junior Eurovision mýzykalyq baıqaýynyń ashylý rásimi ótip, jas ánshiler jerebe tartady. Sol arqyly Erjannyń «Armanyńnan qalma» ánimen sahnaǵa shyǵatyn rettik nómiri anyqtalady.

Bizdiń kanalymyzǵa jazylyńyz:

Basty sózder: Mádenıet,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT