+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Junior Eurovision: Erjan Maksımniń sahnaǵa shyǵatyn rettik nómiri anyqtaldy

2019 jylǵy 19 qarasha 08:00
Bólisińiz:
Junior Eurovision: Erjan Maksımniń sahnaǵa shyǵatyn rettik nómiri anyqtaldy

GLIVITsA. QazAqparat - 18 qarasha kúni Polshanyń Glıvıtsa qalasynda qazaqstandyq ánshi Erjan Maksım qatysatyn Junior Eurovision – 2019 baıqaýynyń ashylý saltanaty ótti, dep habarlaıdy QazAqparat.

Uqsas jańalyqtar
«Baýyrsaq-balapanǵa daýys bereıik» -Dımash Erjanǵa qoldaý bildirdi Junior Eurovision: Erjan Maksım qazaqstandyq jáne sheteldik BAQ suraqtaryna jaýap berdi Rettik nómirim – 10: Erjan Maksım ózine daýys berýge shaqyrdy

Shara barysynda jerebe tartylyp, baıqaýǵa qatysýshylardyń sahnaǵa shyǵatyn rettik nómirleri anyqtaldy. Erjan Maksım 10-shy bolyp óner kórsetedi.


Baıqaýdy alǵashqy bolyp aýstralııalyq qatysýshy ashsa, sońǵy - 19-nómir Serbııa ókiline tústi. Qabyldaýshy el - Polshanyń ánshisi 11-shi bolyp án aıtady.

Qazaqstandyqtar Erjan úshin daýysty 23 qarashadan bastap Junior Eurovision saıtynda bere alady.

Eske salsaq, oraldyq ánshiniń atalmysh halyqaralyq baıqaýǵa qatysatynyn buǵan deıin habarlaǵan bolatynbyz. 10 qazan kúni ol Almatyda baspasóz máslıhatyn ótkizip, baıqaýǵa arnalǵan «Armanyńnan qalma» ániniń beınebaıanyn kórsetti. Onyń rejısseri - Aleksandr Flomboım, prodıýseri - Sergeı Rýtskıı. Ánniń avtorlary - Hamıt Shanǵalıev, Danııar Aldabergenov jáne Tımýr Balymbetov.

15 qarasha kúni Nur-Sultanda ótken baspasóz máslıhatynda Erjan sahnaǵa neshinshi nómirmen shyqqysy keletinin aıtty.

«Habar» agenttiginiń basqarma tóraǵasy Erlan Bekhojınniń sózinshe, bıyl baıqaýǵa negizinen Eýropalyq odaq elderiniń ókilderi qatysady. Ázerbaıjan men Túrkııa óz kandıdattaryn usynbaǵandyqtan, Erjan búkil túrki álemniń atynan óner kórsetetin bolady.

18 qarasha kúni Erjan Almaty áýejaıynan Polshaǵa ushyp shyqty. Ony týysqandary men jankúıerler shyǵaryp saldy.

«Junior Eurovision»-niń fınaldyq kezeńi 24 qarashada ótedi. Ony «Habar» telearnasy tikeleı efırden kórsetedi. Jeńimpaz telekórermenderdiń daýys berýi arqyly jáne quramyna 3 eresek, 2 bala kiretin tóreshilerdiń qazylyǵymen anyqtalady.

Aıta keteıik, «Junior Eurovision» alǵash ret 2003 jyly Danııanyń Kopengagen qalasynda ótti. Bıylǵy baıqaýǵa 19 elden órender qatysady. Al Qazaqstan baıraqty básekege alǵash ret 2018 jyly Mınskide (Belarýs) qatysty. Elimiz atynan «Ózińe sen» ánimen Danelııa Tóleshova óner kórsetip, altynshy orynǵa ıe boldy. Bas júlde polshalyq Roksanna Vengelge buıyrdy. Ekinshi oryndy Frantsııa ánshisi Angelına, úshinshi oryndy avstralııalyq Djael Ýena jeńip aldy.


Bizdiń kanalymyzǵa jazylyńyz:

Basty sózder: Mádenıet, Óner,
Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT