+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Junior Eurovision: Erjan Maksımge Polshadaǵy qandastarymyz qoldaý bildirýde

2019 jylǵy 22 qarasha 10:18
Bólisińiz:
Junior Eurovision: Erjan Maksımge Polshadaǵy qandastarymyz qoldaý bildirýde

GLIVITsE. QazAqparat – «Junior Eurovision-2019» baıqaýynyń bastalýyna sanaýly kúnder qaldy, dep habarlaıdy QazAqparat «Habar 24» telearnasyna silteme jasap.

Uqsas jańalyqtar
«Baýyrsaq-balapanǵa daýys bereıik» -Dımash Erjanǵa qoldaý bildirdi Junior Eurovision: Erjan Maksım qazaqstandyq jáne sheteldik BAQ suraqtaryna jaýap berdi Rettik nómirim – 10: Erjan Maksım ózine daýys berýge shaqyrdy

Qatysýshylardyń barlyǵy Polshanyń Glıvıtse qalasyna kelip qoıdy. Uıymdastyrýshylar da daıyndyqqa qyzý kirisip ketti. Olardyń aıtýynsha, bıylǵy baıqaý byltyr Mınsk qalasynda ótken sharadan kem túspeıdi.

«Ár baıqaýdyń óz ereksheligi bar. Biz bıylǵy sharany qabyldaı otyryp, ózimizdiń elimizdi, ıaǵnı Polshany álemge tanytý múmkindigine ıe bolyp otyrmyz. Bizdiń shoý báriniń kóńilinen shyǵady dep oılaımyz», - deıdi Junior Eurovision-2019 uıymdastyrýshysy Agata Konarska.

Uıymdastyrýshylar túrli elden jınalǵan jas daryndardy bir-birine tanystyrý jaǵyna da erekshe kóńil bólgen. Osy rette Glıvıtsede kún saıyn kezdesýler ótkizilýde.

Qazaqstan atynan óner kórsetetin Erjan Maksımge elimizden kelgen delegatsııadan bólek, Polshada turatyn otandastarymyz da qyzý qoldaý bildirip otyr.

«Baıqaýdyń polıak jerinde ótýi, kezdeısoq emes dep oılaımyn. Bir kezderi bizdiń áıgili Ámire Qashaýbaev atamyz kelgen sııaqty. Osy Eýropa jurtshylyǵyna, onyń ishinde taǵdyrlas polıak jurtshylyǵyna bizdiń ánderimizdi, mádenıetimizdi inishegimiz Erjan tanystyrady dep senemin. Jáne de Qazaqstannyń namysyn osy bir án baıqaýynda úlken abyroımen qorǵaıtyndyǵyna kámil senimdimiz»,- deıdi qazaq dıasporasynyń ókili Jandos Kárinbaev.

Eske salsaq, oraldyq ánshiniń atalmysh halyqaralyq baıqaýǵa qatysatynyn buǵan deıin habarlaǵan bolatynbyz. 10 qazan kúni ol Almatyda baspasóz máslıhatyn ótkizip, baıqaýǵa arnalǵan «Armanyńnan qalma» ániniń beınebaıanyn kórsetti. Onyń rejısseri - Aleksandr Flomboım, prodıýseri - Sergeı Rýtskıı. Ánniń avtorlary - Hamıt Shanǵalıev, Danııar Aldabergenov jáne Tımýr Balymbetov.

15 qarasha kúni Nur-Sultanda ótken baspasóz máslıhatynda Erjan sahnaǵa neshinshi nómirmen shyqqysy keletinin aıtty.

«Habar» agenttiginiń basqarma tóraǵasy Erlan Bekhojınniń sózinshe, bıyl baıqaýǵa negizinen Eýropalyq odaq elderiniń ókilderi qatysady. Ázerbaıjan men Túrkııa óz kandıdattaryn usynbaǵandyqtan, Erjan búkil túrki álemniń atynan óner kórsetetin bolady.

18 qarasha kúni Erjan Almaty áýejaıynan Polshaǵa ushyp shyqty. Ony týysqandary men jankúıerler shyǵaryp saldy.

«Junior Eurovision»-niń fınaldyq kezeńi 24 qarashada ótedi. Ony «Habar» telearnasy tikeleı efırden (bastalýy 21.00) kórsetedi. Qazaqstandyqtar Erjan úshin daýysty qarashanyń 22-sinen 23-ine qaraǵan túngi saǵat 01.00-den bastap Junior Eurovision saıtynda bere alady. Ol úshin tizimnen Erjanmen qatar taǵy 2 qatysýshyny tańdap, «Daýysty qabyldaý»/ «Daýys berý» túımeshegin basý qajet. Daýys berý 24 qarasha kúni saǵat 21.00-de shoý bastalmaı turyp ýaqytsha jabylady. Al odan keıin qaıtadan 15 mınýtqa ashylyp, taǵy bir márte daýys berý múmkindigi bolady.

Jerebege sáıkes, qazaqstandyq óren sahnaǵa 10-ynshy bolyp shyǵady.

Aıta keteıik, «Junior Eurovision» alǵash ret 2003 jyly Danııanyń Kopengagen qalasynda ótti. Bıylǵy baıqaýǵa 19 elden órender qatysady. Al Qazaqstan baıraqty básekege alǵash ret 2018 jyly Mınskide (Belarýs) qatysty. Elimiz atynan «Ózińe sen» ánimen Danelııa Tóleshova óner kórsetip, altynshy orynǵa ıe boldy. Bas júlde polshalyq Roksanna Vengelge buıyrdy. Ekinshi oryndy Frantsııa ánshisi Angelına, úshinshi oryndy avstralııalyq Djael Ýena jeńip aldy.

Bizdiń kanalymyzǵa jazylyńyz:

Basty sózder: Eýropa, Mádenıet, Óner,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT