+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Junior Eurovision: Erjan Maksım sahnaǵa neshinshi nómirmen shyqqysy keletinin aıtty

2019 jylǵy 15 qarasha 15:16
Bólisińiz:
Junior Eurovision: Erjan Maksım sahnaǵa neshinshi nómirmen shyqqysy keletinin aıtty

NUR-SULTAN. QazAqparat - Qazaqstandyq jas ánshi Erjan Maksım Polshanyń Lıvıtse qalasynda ótetin Junior Eurovision mýzykalyq baıqaýynda el namysyn qorǵaıdy. Osyǵan oraı búgin Ortalyq kommýnıkatsııalar qyzmetinde baspasóz máslıhaty ótip, Erjan baıqaýǵa qalaı daıyndalyp jatqanyn aıtyp berdi, dep habarlaıdy QazAqparat tilshisi.

Uqsas jańalyqtar
«Baýyrsaq-balapanǵa daýys bereıik» -Dımash Erjanǵa qoldaý bildirdi Junior Eurovision: Erjan Maksım qazaqstandyq jáne sheteldik BAQ suraqtaryna jaýap berdi Rettik nómirim – 10: Erjan Maksım ózine daýys berýge shaqyrdy

«Meniń daıyndyǵym óte jaqsy, keremet. Endi qazaq eliniń atynan bara jatqannan keıin azdaǵan qobaljý bar. Ne bolaryn kóremiz», - dedi Erjan.

Sonymen qatar ol Avstralııa, Polsha elderiniń ókilderin óziniń basty qarsylasy sanaıtyndyǵyn aıtyp, baıqaýda 6-shy bolyp óner kórsetkisi keletindigin aıtty.

«Konkýrstarǵa qatysqanda únemi 6 sany túsetin. Aldaǵy ýaqytta qandaı túsetinin bilmeımin. Alty sany tússe dep úmittenemin. Osy 6 sany túsken baıqaýlarda men árdaıym bas júlde alamyn - «Slavıan bazary«, «Baqytty balada« jáne basqa da baıqaýlarda», - dedi ol.

Baspasóz máslıhatyna qatysqan Erjannyń anasy Gúlmıra Álibek te uly úshin qobaljyp júrgenin aıtady.

«Balasy atqa minse, anasy úıde taqymyn qysady» demekshi, men de qobaljyp júrmin. Men ǵana emes, búkil qazaq eli Erjan úshin qobaljyp, qoldaý bildirip otyr dep oılaımyn. Sebebi, kóptegen adam qoldaýlaryn bildirip, tilekterin, batalaryn berip jatady. Otbasymyzdyń atynan barshańyzǵa rızashylyǵymdy bildiremiz. Balam jaýapty baıqaýǵa bara jatqannan keıin qatty ýaıymdap, qobaljyp júrmiz. Alla sátin salsa bári jaqsy bolady dep oılaımyn«, - degen Gúlmıra Álibek Erjannyń sahna tórine «Bissimillá«, dep bir Allaǵa syıynyp shyǵatynyn aıtty.

Aıta keteıik, 18 qarasha kúni Junior Eurovision mýzykalyq baıqaýynyń ashylý rásimi ótip, jas ánshiler arasynda jerebe tartý rásimi ótedi. Sol arqyly Erjannyń «Armanyńnan qalma« ánimen sahnaǵa shyǵatyn rettik nómiri anyqtalady. Baıqaýdyń fınaly 24 sharada ótedi. Baıqaý erejesine sáıkes jeńimpazdy telekórermenderdiń daýys berýi men quramyna 3 eresek jáne 2 bala kiretin baıqaýǵa qatysýshy elderdiń tóreshileri anyqtaıdy.

Bizdiń kanalymyzǵa jazylyńyz:

Basty sózder: Mádenıet,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT