+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Junior Eurovision: Erjan Maksım qazaqstandyq jáne sheteldik BAQ suraqtaryna jaýap berdi

2019 jylǵy 24 qarasha 17:36
Bólisińiz:
Junior Eurovision: Erjan Maksım qazaqstandyq jáne sheteldik BAQ suraqtaryna jaýap berdi

GLIVITsE. QazAqparat – Sanaýly saǵattan keıin Polshanyń Glıvıtse qalasynda bastalatyn «Junior Eurovision-2019» baıqaýyna qatysýshy jas ánshiler baspasóz máslıhatyn ótkizdi, dep habarlaıdy QazAqparat «Habar 24» telearnasyna silteme jasap.

Uqsas jańalyqtar
Erjan Maksım men ulybrıtanııalyqtar Londonnan vıdeo joldady Erjan Maksım Bakýde ónerimen kórermenderdi tamsandyrdy Polshada qazaqstandyq stýdent qyzdy tramvaı qaǵyp ketip, mert qyldy

19 konkýrsant fınal aldyndaǵy áserlerimen jáne onyń nátıjesi boıynsha boljamdarymen bólisti. Sondaı-aq sahnada kórsetetin nómerleri, aldaǵy maqsattary jáne keleshekte eresekterge arnalǵan «Eurovision» baıqaýyna qatysý nıetteri týraly aıtyp berdi.

Baıqaýda Qazaqstan atynan synǵa túsetin Erjan Maksım tyǵyz kestesine qaramastan, búgin sondaı-aq, qazaqstandyq jáne sheteldik birqatar BAQ-qa suhbat berdi.

«Meniń oıymsha, bıylǵy baıqaýda Erjan eń jarqyn personajdardyń biri. Rasymen de, odan suhbat alǵysy keletinder óte kóp. Osy ýaqytqa deıin aýstralııalyq eki basylymǵa, International radıosyna jáne belgııalyq radıoǵa suhbat berdik. «Eurovision» baıqaýy týraly habar taratatyn blogerlerdiń de Erjanmen tildesýge qyzyǵýshylyǵy joǵary. Kommentarıılerdi kúnde alamyn. Nemese maǵan taıanyp: «Sizderdiń Erjan sondaı súıkimdi, ashyq, harızmasy joǵary» dep aıtady», - deıdi «Habar» agenttiginiń PR-menedjeri Jazıra Dúısembekova.

Búgin, saǵat 21.00-de bastalatyn «Junior Eurovision-2019» baıqaýyn onlaın-aýdıtorııa jáne qazylar alqasy saralaıtyny belgili.Sarapshy top óz sheshimderin tikeleı efırden bir kún buryn, ıaǵnı keshe shyǵaryp úlgerdi. Búgin – kórermenniń kezegi. Qazylar alqasy – 19 eldiń ókilderinen quralǵan top. Oǵan ár qatysýshy memleketten 3 kásibı mýzyka mamany men 2 jas jetkinshek kiredi. Olardyń daýystary jalpy daýystyń 50 paıyzyn quraıdy. Qalǵan 50 paıyzy – kórermenderdiki.

Buǵan deıin habarlaǵanymyzdaı, 19 el úmitkerleri úshin daýys berý qarashanyń 22-sinen 23-ine qaraǵan túni saǵat 01.00-de bastaldy. Daýys berý úshin Junior Eurovision saıtyna kirip, tizimnen Erjanmen qatar, taǵy 2 qatysýshyny tańdaý qajet. Keıin «Daýysty qabyldaý»/ «Daýys berý» túımeshegin basý kerek. Onlaın-daýys berý búgin, saǵat 21.00-de bastalatyn gala-kontsert aldynda ýaqytsha jabylady. Odan soń 15 mınýtqa qaıta ashylyp, taǵy bir márte daýys berý múmkindigi beriledi.

Eske salaıyq, oraldyq E.Maksım «Junior Eurovision»-ǵa arnap «Armanyńnan qalma» ánine beınebaıan túsirdi. Onyń rejısseri - Aleksandr Flomboım, prodıýseri - Sergeı Rýtskıı. Ánniń avtorlary - Hamıt Shanǵalıev, Danııar Aldabergenov jáne Tımýr Balymbetov.

15 qarasha kúni Nur-Sultanda ótken baspasóz máslıhatynda Erjan sahnaǵa neshinshi nómirmen shyqqysy keletinin aıtty. Jerebe tartý kezinde oǵan 10-ynshy nómir tústi.

«Habar» agenttiginiń basqarma tóraǵasy Erlan Bekhojınniń sózinshe, bıyl baıqaýǵa negizinen Eýropalyq odaq elderiniń ókilderi qatysady. Ázerbaıjan men Túrkııa óz kandıdattaryn usynbaǵandyqtan, Erjan búkil túrki álemniń atynan óner kórsetetin bolady.

18 qarasha kúni Erjan Almaty áýejaıynan Polshaǵa ushyp shyqty. Ony týysqandary men jankúıerler shyǵaryp saldy.

«Junior Eurovision» alǵash ret 2003 jyly Danııanyń Kopengagen qalasynda ótti. Bıylǵy baıqaýǵa 19 elden órender qatysady. Al Qazaqstan baıraqty básekege alǵash ret 2018 jyly Mınskide (Belarýs) qatysty. Elimiz atynan «Ózińe sen» ánimen Danelııa Tóleshova óner kórsetip, altynshy orynǵa ıe boldy. Bas júlde polshalyq Roksanna Vengelge buıyrdy. Ekinshi oryndy Frantsııa ánshisi Angelına, úshinshi oryndy avstralııalyq Djael Ýena jeńip aldy.

Bizdiń kanalymyzǵa jazylyńyz:

Basty sózder: Eýropa, Mádenıet, Óner,
Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT