+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Junior Eurovision baıqaýyna Qazaqstan atynan 12 jasar Qaraqat Bashanova qatysady

2020 jylǵy 26 qyrkúıek 23:50
Bólisińiz:
Junior Eurovision baıqaýyna Qazaqstan atynan 12 jasar Qaraqat Bashanova qatysady

NUR-SULTAN. QazAqparat - Polshada ótetin Junior Eurovision-2020 baıqaýyna Qazaqstan atynan qatysatyn jeńimpaz anyqtaldy, dep habarlaıdy QazAqparat «Habar» agenttiginiń baspasóz qyzmetine silteme jasap.

Búgin «Habar» arnasynyń tikeleı efırinde «Junior Eurovision 2020» halyqaralyq án baıqaýynyń ulttyq irikteýiniń fınaly ótti. Baıqaýda Almaty oblysy Rysqulov aýylynan kelgen Qaraqat Bashanova jeńiske jetti.

Jas ánshi ákesine arnalǵan «Forever» ánin oryndady. Kompozıtsııany ótken jyly Junior Eurovision-de óner kórsetken Erjan Maksımniń «Armanyńnan qalma» ániniń avtory Hamıt Shanǵalıev shyǵardy. Qaraqat kórermenderdiń jáne qazylar alqasynyń daýys berý nátıjeleri boıynsha jeńimpaz dep tanyldy. Endi Qaraqat Qazaqstannyń atynan halyqaralyq grand-fınalda óner kórsetetin bolady.

Ulttyq irikteýdiń fınalyna elimizdiń túkpir-túkpirinen kelgen on eki bala qatysty. Olardyń arasynda Saıpolda Islam (11 jas, Nur-Sultan), Býrhanova Adııa (12 jas, Almaty), Jumajan Aıdana (14 jas, Almaty), Manarbekqyzy Aqjibek (14 jas, Nur-Sultan), Makım Jan (11 jas, Almaty), Mýkıtanova Aıym (13 jas, Kókshetaý), Ǵazızqyzy Kamıla (13 jas, Nur-Sultan), Altynbekqyzy Sanııa (13 jas, Semeı q.), Tursynova Mahınýr (14 jas, Almaty q.), Kýsanova Nurshat (10 jas, Atyraý), Tileýbek Áıkerim (13 jas, Nur-Sultan) jáne Bashanova Qaraqat (12 jas, Almaty oblysy Talǵaraýdany Rysqulov aýyly) bar.

Gala-kontsertte fınalıster elimizdiń tanymal kompozıtorlarynyń arnaıy jazǵan avtorlyq ánderimen óner kórsetti. Úmitkerlerdi tańdaǵan qazylar alqasynyń quramynda «Qazaqkontsert» memlekettik kontsert uıymynyń dırektory Jeńis Seıdollauly, «Habar» telearnasynyń dırektory Dınara Bısembına, ánshi-kompozıtor Qaırat Baekenov, Dımash Qudaıbergenniń saýndprodıýseri Erlan Bekchýrın, T. Júrgenov atyndaǵy Qazaq ulttyq óner akademııasynyń dekany, prodıýser Baǵym Muhıtdenova jáne halyqaralyq mýzyka baıqaýlarynyń jeńimpazdary - Janar Duǵalova, Ámire, Dinaya jáne Mádı Syzdyqov boldy.

«Junior Eurovision-2020» ulttyq irikteýi 4 kezeńde ótti. Qazaqstannyń barlyq óńirinen barlyǵy 684 ótinim kelip tústi. Ekinshi kezeńde qazylar alqasy 30 qatysýshyny tańdap aldy, olardyń arasynan onlaın daýys berý nátıjeleri boıynsha 12 fınalıstiń esimderi belgili boldy.

«Junior Eurovision» baıqaýynyń fınaly 29 qarashada onlaın formatta ótedi. Álemniń 13 elinen 9-14 jas aralyǵyndaǵy jas vokalıster baq synaıtyn bolady. Qazaqstan saıysqa úshinshi ret qatysady. Elimizdiń aıtýly sharaǵa qatysýy «Habar» Agenttiginiń 2016 jyldan beri Eýropalyq habar taratý odaǵynyń (EVU) qaýymdasqan múshesi atanýynyń arqasynda múmkin bolyp otyr.

Bıyl baıqaýdyń ótýine Qazaqstan Respýblıkasynyń Mádenıet jáne sport mınıstrligi qoldaý bildirdi.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT