Jańalyqtar  >

Junior Eurovision-2022 baıqaýyna Qazaqstannan Davıd Charlın qatysady

2022 jylǵy 30 qarasha, 17:58
Junior Eurovision-2022 baıqaýyna Qazaqstannan Davıd Charlın qatysady

ASTANA. QazAqparat – Junior Eurovision 2022 halyqaralyq án baıqaýynda Qazaqstan namysyn Davıd Charlın qorǵaıtyn bolady, dep habarlaıdy QazAqparat «Habar» agenttiginiń baspasóz qyzmetine silteme jasap.

Junior Eurovision 2022 halyqaralyq án baıqaýynyń Grand-fınaly 11 jeltoqsan kúni Armenııa astanasy Erevan qalasynda ótedi. Óner báıgesinde Qazaqstan namysyn bıyl «Baqytty Bala-2022» IV halyqaralyq baıqaýynyń fınalısi Davıd Charlın qorǵaıdy. Qazaqstandyqtar tikeleı efırdi 11 jeltoqsan, saǵat 21:00-de «Habar» telearnasynan tamashalaı alady.

Davıd Charlın joba úshin arnaıy jazylǵan «Jer-Ana» atty kompozıtsııany oryndaıdy.

Aıta keteıik, Qazaqstan Junior Eurovision álemdik án dodasyna osymen besinshi márte qatysady. Bul joly elimizden basqa eýropalyq 15 memlekettiń jas ánshileri baq synaıdy.

Baıqaý nátıjesi ulttyq jıýrıdiń baǵalaýy jáne ortalyqtandyrylǵan ǵalamdyq onlaın-daýys berý (kórermenniń) qorytyndysy boıynsha shyǵarylady. Qazaqstandyq ónerpazdar ulttyq jıýrıden eń joǵarǵy baǵa alǵanymen, onlaın-daýys berýdegi belsendiliktiń tómendiginen bas júldeni ıelene almaı keledi. Máselen, 2019-2020 jyldary Erjan Maksım men Qaraqat Bashanovanyń elimizge jeńis syılaýyna onlaın túrde beriletin sanaýly ǵana daýys jetpeı qalǵan bolatyn. Sondyqtan uıymdastyrýshylar otandyq ónerpazymyzǵa onlaın-daýys berýde belsendi bolýǵa shaqyrady.

Davıd Charlınge daýys berý úshin: https://junioreurovision.tv/ nemese https://jesc.tv/ siltemeleri arqyly saıtqa kirý; tizimnen Davıd Charlındi tańdaý; «Daýys berý» batyrmasyn basý.

Daýys berýdiń alǵashqy kezeńi Astana ýaqyty boıynsha 10 jeltoqsan kúni saǵat 01:00-den bastalyp, 11 jeltoqsan kúni saǵat 20:59-da aıaqtalady. Ekinshi kezeńde daýys berý Astana ýaqytymen 11 jeltoqsan kúni barlyq qatysýshylar óner kórsetip bolǵannan keıin 15 mınýtqa ǵana qaıta jalǵasady.

Eske salsaq, 2018 jyly bul baıqaýǵa Qazaqstan atynan alǵash bolyp jas ánshi Danelııa Týleshova qatysyp, 6-oryn ıelengen bolatyn. 2019 jyly jalpy daýys berý nátıjesinde Erjan Maksım 2-júldeli orynǵa ıe boldy. 2020 jyly Qaraqat Bashanova da 2-orynǵa taban tiredi. Byltyr Qazaqstannan Beknur Jánibekuly men Álınur Hamzın qatysyp, 19 eldiń ishinen 8-orynǵa turaqtaǵan bolatyn.


Foto: ortcom.kz

Uqsas jańalyqtar
Tegı:
Mádenıet   Óner  
Seriktester jańalyqtary

Jańalyqtar