+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Izraıldiń bedeldi gazetinde Qazaqstan Prezıdenti jáne Abaı týraly maqalalar jarııalandy

2020 jylǵy 2 shilde 12:10
Bólisińiz:
Izraıldiń bedeldi gazetinde Qazaqstan Prezıdenti jáne Abaı týraly maqalalar jarııalandy

NUR-SULTAN. QazAqparat - Izraıldiń «Haaretts» gazeti óziniń The Marker qosymshasynda Qazaqstanǵa arnalǵan eksklıýzıvti pýblıkatsııa jarııalady, dep habarlaıdy QazAqparat.

Prezıdent Qasym-Jomart Toqaevtyń qyzmeti týraly aıta kele jýrnalıster, «Qazaqstandaǵy bir jyl buryn bolǵan bıliktiń aýysýyn «memleket úshin tarıhı sát» dep atap kórsetken. Olardyń paıymdaýynsha, «Q.Toqaev el qıyn sátterdi basynan keshirip jatqan kúrdeli kezeńde halyqtan bılikke mandat alyp, ótken bir jyl ishinde qoǵammen oń dıalog ornatyp jáne «estıtin memleket» qura otyryp, birqatar ózgeristerge qol jetkize alǵan».

Gazette el damýynyń ótkir máselelerin talqylaıtyn Ulttyq qoǵamdyq senim keńesiniń jumysy atalǵan.

Sondaı-aq, jýrnalıster eldegi mańyzdy reformalar men beıbit jınalystar, saılaý jáne saıası partııalar týraly qabyldanǵan zańdarǵa silteme jasaı otyryp, Q.Toqaevtyń zań shyǵarýshylyq qyzmetin de tilge tıek etken.

Buǵan qosa, basylymda qazaqtyń uly aqyny Abaıdyń 175 jyldyǵyna arnalǵan bólek bet qaptalǵan. «Haaretts» gazeti óz oqyrmandaryna Qazaqstannyń Izraıldegi Elshiligimen aqynnyń «Qara sózderiniń» tuńǵysh ret ıvrıt tiline aýdarylǵany týraly málimdedi.

Gazet redaktory Ioel Tsafrırge bergen suhbatynda Elshi Satybaldy Burshaqov Qazaqstannyń ekonomıkalyq jaǵdaıy men syrtqy saıasaty jáne ekijaqty qarym-qatynastardyń qazirgi jaǵdaıy men damý perspektıvalary týraly áńgimelep berdi.

S. Burshaqov, koronovırýs pandemııasy kezeńinde Qazaqstan men Izraıl arasynda tyǵyz dıalog qalyptasqanyn habarlady. Sáýir aıynda telefon arqyly sóılesken kezde Prezıdent Q.Toqaev pen Prezıdent R. Rıvlın COVID-19 juqpaly aýrýynyń taralýyn boldyrmaýǵa qatysty pikir almasty. Sonymen qatar, túrli medıtsınalyq mekemelerde qyzmet atqaratyn Qazaqstan men Izraıl dárigerleriniń qatysýymen beınekonferentsııa formatynda birneshe mańyzdy medıtsınalyq konsýltatsııalar ótkizildi.

Elshiniń aıtýynsha, búginde qazaqstandyq «Kýsto Grýpp» halyqaralyq korporatsııasy kóptegen álemdik naryqta tanymal, lak-boıaý jabyndary men qurylys qospalaryn óndirýmen aınalysatyn ızraıldik «Tambýr» kompanııasynyń jalǵyz ıesi bolyp tabylady.

Elshi gazet oqyrmandaryn Israir kompanııasynyń Almaty men Tel-Avıv arasynda tikeleı áýe qatynasyn ashýǵa nıetti ekenin habardar etti. S.Burshaqov ızraıldikterdi Qazaqstannyń Sharyn kanony, Іle Alataý tabıǵı qoryǵy, Altynemel ulttyq parki, Býrabaı jáne t. b. sol sııaqty tanymal kórikti jerlerine saıahat jasaýǵa shaqyrdy.

«Haaretts» gazeti júz jyl buryn qurylǵan, onyń kúndelikti jaryqqa shyǵatyn taralymy 70 myń danadan asady. Táýelsiz zertteýlerdiń nátıjesi boıynsha gazet eldegi «eń yqpaldy BAQ baspasy» bolyp sanalady. «Haaretts» ıvrıt jáne aǵylshyn tilderinde shyǵarylady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT