Izraılde taǵy da kezekten tys saılaý ótedi
2022 jylǵy 21 maýsym 09:16

Izraılde taǵy da kezekten tys saılaý ótedi

NUR-SULTAN. QazAqparat – Izraılde basqarýshy koalıtsııanyń kóshbasshylary Naftalı Bennet pen ıAır Lapıd parlamentti taratyp, kezekten tys saılaý ótkizbek. Bul - sońǵy tórt jyl ishindegi besinshi saılaý. Bınıamın Netanıahý osy saılaý nátıjesinde bılikke oralmaqshy, dep habarlaıdy QazAqparat VVS saıtyna silteme jasap.

Dúısenbide premer-mınıstr Naftalı Bennet pen syrtqy ister mınıstri ıAır Lapıd kelesi aptada Knessette Parlament taratylatynyn jáne jańa saılaý týraly daýys beretinderin málimdedi. Eger bul sheshim qabyldansa, jańa saılaýǵa deıin premer-mınıstr laýazymyn ıAır Lapıd atqarady.

Saılaý, Izraıl kommentatorlarynyń pikirinshe, qazan aıynyń sońynda ótýi múmkin.

Izraılde úkimettik koalıtsııanyń taratylýy týraly sybys birneshe aptadan beri shyǵyp jatyr. Segiz partııanyń koalıtsııasy túbegeıli másele boıynsha kelise almady, ıaǵnı Batys jaǵalaýdaǵy evreı qonystary Palestına avtonomııasynyń emes, Izraıl zańdary boıynsha ómir súretini týraly qujattyń merzimin uzarta almady.

Ony uzartýǵa koalıtsııaǵa kiretin arab depýtattar daýys berýden bas tartty, al premer Naftalı Bennet pen onyń úkimettegi basqa da áriptesteri úshin bul mańyzdy másele edi.

Endi, Frans-press agenttiginiń túsindirýinshe, parlament taratylǵannan keıin atalǵan jerdiń mártebesi jańa úkimet qurylǵanǵa deıin avtomatty túrde uzarady.

Izraılde segiz partııalyq koalıtsııa bir jyl buryn ǵana qurylǵan edi. Onyń negizgi maqsaty – bılikke premer-mınıstr Bınıamın Netanıahý men onyń Lıkýd partııasyn jolatpaý.

Taıaýda júrgizilgen saýalnamaǵa sáıkes 72 jastaǵy Netanıahý men Lıkýd jańa saılaýda Knessettedi mandattar sanynyń kóp bolýyna baılanysty jeńip ketýi múmkin.

2020 jyldan beri jemqorlyq úshin aıyptalyp jatqan Bınıamın Netanıahý bılikke oralatynyna senimdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT