+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Izraılde Qazaq kıiz úıi tigilip, dombyra men Abaıdyń «Qara sózderi» tanystyryldy

2021 jylǵy 2 shilde 19:37
Bólisińiz:
Izraılde Qazaq kıiz úıi tigilip, dombyra men Abaıdyń «Qara sózderi» tanystyryldy

TELЬ-AVIV. QazAqparat - Keshe, 1 shildede Qazaqstannyń Izraıldegi Elshiligi Tel-Avıv merııasynyń jáne «Kaztsınk» korporatsııasynyń qoldaýymen qalanyń eń tanymal týrıstik aımaqtarynyń biri – teńiz portynyń jaǵalaýynda ornalasqan saıabaqta Qazaq kıiz úıin tigip, kórme ashty, dep habarlaıdy QazAqparat Izraıldegi QR Elshigine silteme jasap.

Uqsas jańalyqtar
AQSh elshiligimen birlesip Pavlodarda áıelderge arnalǵan bıznes-akademııa ashylady Qaraǵandyda respýblıkalyq aqyndar baıqaýy ótedi

Ekspozıtsııanyń ashylýy Qazaqstan Respýblıkasy Táýelsizdiginiń 30 jyldyǵyna jáne Ulttyq Dombyra kúnine oraılastyryldy.

Saltanatty sharaǵa Tel Avıv – ıAffo qalalyq keńesiniń músheleri, Ierýsalım Patrıarhy III Teofıl, Syrtqy ister mınıstrliginiń, dıplomatııalyq korpýs, Izraıldiń qoǵamdyq jáne isker toptarynyń, buqaralyq aqparat quraldarynyń ókilderi men qazaqstandyq dıaspora qatysty.

Óz sózinde Qazaqstan Elshisi Satybaldy Burshaqov 2014 jyly kıiz úı men dombyra ıÝNESKO-nyń Adamzattyń materıaldyq emes mádenı murasynyń kórneki tizimine engizilgenin, sondaı-aq halqymyz úshin kıeli kıiz úıdiń qasıeti men qasterli máni týraly egjeı-tegjeıli aıtyp berdi. Dıplomat halqymyzdyń mádenı murasyn tanystyrý Qazaqstan men Izraıl arasyndaǵy mádenı-gýmanıtarlyq baılanystardy odan ári nyǵaıtýǵa yqpal etetindigin atap ótti.


Tel-Avıv meriniń orynbasary Gal Sharabı 1999 jyly Tel-Avıv pen Almaty arasynda baýyrlastyq baılanys ornatylǵanyna toqtalyp, qalyń buqaraǵa on kún boıy esigi ashyq turatyn kıiz úı ekspozıtsııasy Tel-Avıv turǵyndary men qonaqtaryna qazaq halqynyń dástúri men mádenıetin tanyp-bilýge múmkindik beretinin aıtty.

Sonymen qatar, shara aıasynda qazaqtyń Uly aqyny Abaıdyń 175 jyldyǵyna oraı shyǵarylǵan evreı tilindegi «Qara sózderi» kitabynyń tusaýkeseri ótti. S.Burshaqov kitaptyń aýdarmashysy Polına Brýkman men «Beıt Nellı Medıa» baspa úıiniń dırektory Alla Serebrınskaıaǵa Qazaqstan Mádenıet jáne sport mınıstriniń alǵys hattaryn tabystady.

Mereke barysynda Qazaqstannan shyqqan evreı qaýymdastyǵynyń ókilderi ystyq yqylaspen jáne zor rızashylyqpen elimiz týraly jyly estelikterimen bólisti.

Shaǵyn kontserttik baǵdarlama qoıylyp, onda Bar Ilan ýnıversıtetiniń stýdenti Ámirlan Najmıtdınov men Bekjan Qońyrbaev tanymal qazaq kompozıtorlarynyń shyǵarmalaryn dombyrada oryndap berdi. Abaıdyń «Kózimniń qarasy» ánin qazaq tilinde shyrqaǵan Izraıl azamaty Irena Arzıýtova erekshe qurmetke bólendi.

Kıiz úı Almaty oblysynda tigilip, «Kaztsınk» korporatsııasynyń demeýshiligimen Izraılge jetkizildi.

Kıiz úı 2 - 10 shilde aralyǵynda Tel-Avıv portynyń saıabaǵynda barsha jurtshylyqqa ashyq bolady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT