+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Izraılde ál-Farabıge arnalǵan eskertkish taqta ashyldy

2020 jylǵy 15 qyrkúıek 15:23
Bólisińiz:
Izraılde ál-Farabıge arnalǵan eskertkish taqta ashyldy

NUR-SULTAN. QazAqparat – Izraıldiń Haıfa qalasynda týǵanyna 1150 jyl tolǵan uly fılosof, ǵalym Ábý Nasyr ál-Farabıdiń qurmetine eskertkish taqta ornatyldy, dep habarlaıdy QazAqparat tilshisi.

Uqsas jańalyqtar
Almatyda «Ál-Farabı» entsıklopedııasy jaryq kórdi

Saltanatty sharaǵa Qazaqstannyń Izraıldegi Qurmetti konsýly Devıd Lıýksembýrg, ǵalymdar, JOO basshylary men BAQ ókilderi qatysty.

Jıyn barysynda Qazaqstannyń Izraıldegi elshisi Satybaldy Burshaqov sóz sóıledi.

«Shyǵystyń Arıstoteli atanǵan Ábý Nasyr ál-Farabıdiń týǵanyna 1150 jyl tolyp otyr. Ol - tek qazaq halqy ǵana emes, álem elderi úshin de ataýly meıram. Sondyqtan, osynaý tarıhı qalada uly oıshyl atyndaǵy kóshe boıynda eskertkish taqta ornatyldy. Bul - ál-Farabı babamyzǵa degen qurmetimiz», - dedi elshi.

Saltanatty sharaǵa onlaın rejımde ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanov ta qatysty.

«Uly babamyzdyń fılosofııasy bizge jáne keler urpaqqa úlken mura. Biz ál-Farabıdi taný arqyly álemdi tanımyz. Ál-Farabı atyndaǵy QazUÝ-de uly oıshyldyń ósıeti arqyly eliizdiń bolashaǵyn, jastardy tárbıelep otyrmyz», - dedi ol.

Saltanatty rásimge Halyqaralyq Túrki akademııasynyń prezıdenti, akademık Darhan Qydyráli ál-Farabıdiń adamzat rýhanııatyndaǵy ornynyń erekshe ekenin, sondyqtan tarıhı Haıfa qalasyndaǵa ǵulamaǵa arnalǵan eskertkish taqta ornatylýy elimiz úshin qurmet ekenin atap ótti.

«Ál-Farabıdiń áleýmettik fılosof retindegi mańyzy zor. Onyń áıgili «Іzgi qala týraly» traktaty aldyńǵy urpaqtardyń rýhanı-fılosofııalyq tájirıbesin sińirip qana qoımaı, Batys Eýropadaǵy áleýmettik oıdyń, ásirese ýtopııalyq fılosoftardyń damýyna aıtarlyqtaı áser etti. Arıstotelden keıingi ekinshi ustazdyń atyndaǵy kóshe - dostyqtyń kóshesi bolǵaı. Barshańyzdy erekshe qýanyshpen quttyqtaımyn», - dedi Darhan Qydyráli.

Aıta keterligi, Izraıldiń Haıfa qalasynda ál-Farabı atyndaǵy kóshe 1960 jyly ashylǵan.

Eske sala ketsek, osydan bir aı buryn elordadaǵy Oqýshylar saraıynda ál-Farabı ortalyǵy ashylǵan bolatyn. Astanadaǵy ǵulama ǵalymnyń keýde músinin Nur-Sultan qalalyq sýretshiler odaǵy basqarma tóraǵasynyń orynbasary Baqytjan Áripov jasaǵan.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT