+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Izraılde Abaıdyń «Qara sózderi» ıvrıt tilinde jaryq kórdi

2020 jylǵy 10 tamyz 22:52
Bólisińiz:
Izraılde Abaıdyń «Qara sózderi» ıvrıt tilinde jaryq kórdi

NUR-SULTAN. QazAqparat - Qazaqtyń uly aqyny Abaı Qunanbaevtyń týǵanyna 175 jyl tolýyna oraı Izraıldiń «Beıt Nellı» baspa úıi alǵash ret onyń «Qara sózderin» ıvrıt tilinde basyp shyǵardy, dep habarlaıdy QazAqparat tilshisi.

QR Syrtqy ister mınıstrliginiń málimetine qaraǵanda, baspahana 20 jyldan astam ýaqyttan beri ızraıldik avtorlardyń eńbekterin jarııalap keledi, sonymen qatar sheteldik dıplomatııalyq ókildiktermen yntymaqtastyq ornatqan.

Kitapty ıvrıt tiline kóptegen ádebı shyǵarmalardy aýdarýǵa mamandanǵan Polına Brýkman aýdardy. Ol Abaı shyǵarmasymen alǵash ret tanysyp otyrǵanyn jáne onyń baı tilin zamanaýı oqyrmanǵa beıimdeý kezinde qıynshylyqtar týyndaǵanyn erekshe atap ótti. Aýdarmashy Qara sózder arqyly qazaq halqynyń baı mádenıetimen tanysqanyn atap ótti. P. Brýkman bolashaqta Abaıdyń basqa da týyndylaryn aýdarýdan úmitti.

Jaqynda belgili «Haarets» gazeti óziniń paraqshalarynda Qazaqstan Prezıdenti Qasym-Jomart Toqaevtyń maqalasyna súıene otyryp, Abaı fenomeni jaıly arnaıy materıal jarııalady.

Buǵan deıin, Qazaqstan Elshiligi Abaı shyǵarmashylyǵymen Evreı ýnıversıtetiniń basshylyǵyn tanystyryp, kúzde oqý protsesi qalpyna keltirilgennen keıin, osy ýnıversıtet janyndaǵy Trýman ınstıtýtynda «Qara sózderdiń» prezentatsııasyn ótkizý bastamasy qoldaý tapty.

Elshi Satybaldy Burshaqov Izraıl oqyrmandaryn qazaq ádebıetiniń baı murasy - Abaı shyǵarmalarymen tanystyrýǵa bilimin salyp, zor úles qosqan barlyq qatysýshylarǵa alǵys bildirdi.

Abaıdyń qara sózderi - 45 qysqasha támsil men fılosofııalyq traktattan turatyn qazaq aqyny hám aǵartýshysynyń irgeli eńbegi. Bul poemada ulttyq tárbıe men dúnıetanym, moral jáne quqyq, qazaqtyń tarıhy syńdy máseleler kóterilgen.

Abaı óziniń «Qara sózderin» jasy ulǵaıǵan shaǵynda, bıliktiń azǵyrýy men jer máselesiniń aýyrtpalyqtaryn bilip, el arasynda tanylyp, jaqynynan aıyrylǵan jyldardyń tusynda jazyp shyqqan. Olar ár jańa qoljazba kitaptarǵa qosylyp taratylyp otyrǵan. Keıbir «Sózder» alǵash ret aqyn qaıtys bolǵannan keıin (1904 jyl) 1918 jyly «Abaı» jýrnalynyń betterinde jarııalanǵan.

Aqynnyń shyǵarmasy álemniń kóptegen tilderine aýdarylǵan.


Bizdiń kanalymyzǵa jazylyńyz:

Bólisińiz:

Avtor:

Aqbópe Ábdrasýl

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT