Jańalyqtar  >

Іzdeýde júrgen vaıner Ázimjan Saıdbaevtyń ustalǵany jaıly aqparat túsken joq - ІІM

2022 jylǵy 1 qazan, 16:38
Іzdeýde júrgen vaıner Ázimjan Saıdbaevtyń ustalǵany jaıly aqparat túsken joq - ІІM

ASTANA. QazAqparat - Qarjy pıramıdasyn uıymdastyrdy degen kúdikpen izdeýde júrgen Ázimjan Saıdbaevtyń ustalǵany ras pa? Іshki ister mınıstrligi bul aqparatty joqqa shyǵardy, dep habarlaıdy QazAqparat.

Aıta keteıik, búgin tańerteń birqatar BAQ resýrstarynda halyqaralyq izdeý jarııalanǵan vaıner Ázimjan Saıdbaev Túrkııada ustaldy degen habar tarady.

«Sheteldik áriptesterden qarjy pıramıdasyn uıymdastyrdy degen kúdikpen izdeýde júrgen Ázimjan Saıdbaevtyń ustalǵany týraly resmı aqparat áli túsken joq. Qazaqstan ınterpolynyń ulttyq ortalyq bıýrosy osylaı dep otyr» deıdi ІІM Telegram paraqshasynda.

Eske sala keteıik, atalǵan iske qatysy bar degen kúdikpen tanymal vaınerler Meıirjan Tórebaev pen Meıirhan Shernııazov ustalǵan bolatyn.

Keıin olar 10 táýlikke qamaýǵa alyndy.

Tergeý soty ekeýine qatysty «kepilmen bosatý» túrindegi bultartpaý sharasyn sanktsııalady.

Úshinshi kúdikti – taǵy bir tanymal vaıner Ázimjan Saıdbaevqa izdeý jarııalandy.

15 sáýir kúni QR Bas prokýrorynyń orynbasary Áset Shyndalıev qarjy pıramıdasyn qurý isi boıynsha tergeý aıaqtalǵanyn málim etken edi.

Ashyq kózderden alynǵan foto




Uqsas jańalyqtar
Seriktester jańalyqtary

Jańalyqtar