Ivan Dychko argentınalyq boksshymen jekpe-jekte jeńiske jetti
2022 jylǵy 24 maýsym 08:27

Ivan Dychko argentınalyq boksshymen jekpe-jekte jeńiske jetti

NUR-SULTAN. QazAqparat – Qazaqstandyq boksshy Ivan Dychko (11-0, 11 KO) Býenos-Aıreste (Argentına) ótken boks keshinde óner kórsetti, dep habarlaıdy QazAqparat Sports.kz saıtyna silteme jasap.

Ol argentınalyq Kevın Espındolamen (7-3, 2 KO) kezdesti. Sýperaýyr salmaqtaǵy jekpe-jek 10 raýndqa esepteldi jáne ol sońyna deıin sozyldy.

Ivan Dychko tóreshilerdiń biraýyzdy sheshimimen jeńiske jetti.

Osylaısha, Qazaqstan boksshysy kásibı sporttaǵy 12-inshi jeńisine qol jetkizdi. I.Dychko barlyq aıqastaryn merziminen buryn jeńispen aıaqtaǵan bolatyn. Onyń buǵan deıingi jekpe-jegi byltyrǵy jeltoqsan aıynda Nur-Sultan qalasynda 45 jastaǵy reseılik Aleksandr Ýstınovqa (36-6-1, 27 KO) qarsy ótti. Ol opponentin birinshi raýndta tehnıkalyq nokaýtpen jeńdi.

Al Kevın Espındola rıngte osymen tórtinshi ret jyǵylyp otyr. Ol bıylǵy sáýir aıynda tóreshilerdiń biraýyzdy sheshimimen jerlesi Naýel Palasıostadan (1-7, 0 KO) basym tústi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT