Italııanyń soltústiginde qýańshylyqtan kúrish túsimi 30% azaıýy múmkin
2022 jylǵy 4 shilde 00:15

Italııanyń soltústiginde qýańshylyqtan kúrish túsimi 30% azaıýy múmkin

NUR-SULTAN. QazAqparat – Italııanyń soltústiginde qýańshylyq bolyp jatyr. Eldegi sýy eń mol ózen Podaǵy sý deńgeıi sońǵy 70 jyldaǵy eń tómengi mejege jetti, dep habarlaıdy QazAqparat agenttigi Euronews-qa silteme jasaı otyryp.

Bul tabıǵat qubylysy óńirdegi mal sharýashylyǵy men kúrish egistigine zardabyn tıgizip otyr. Eldegi agrarshylardyń eń iri kásipodaǵy kúrish egýshiler ónimi jyldaǵydan 30 protsent kem bolýy yqtımal ekenin málimdegen.
Antıtsıklonnyń áserinen kún qatty ysyp, el astanasynyń turǵyndary, sondaı-aq jabaıy janýarlar zardap shegýde. Rım zooparkiniń qyzmetshileri janýarlarǵa qatyrylǵan jemis, et jáne balyq berip jatyr. Apenın túbegindegi kóptegen qalalarda sýburqaqtar toqtady.
Al Veron shaharynyń bıligi budan da qatal shekteý engizdi: jaz ótkenshe eshkim aýyzsýdy baqsha men baýdy sýarýǵa, kólik jýýǵa, basseınge qoldana almaıdy. Kimde-kim talapty buzsa, 500 eýro aıyppul salynady.

Uqsas jańalyqtar

Jańalyqtar

Úrdis

MURAǴAT