Jańalyqtar  >
  Sport

Italııalyq veloshabandoz Krıstıan Skaronı keler jyly da «Astana» sapynda óner kórsetedi

2022 jylǵy 29 qarasha, 02:00
Italııalyq veloshabandoz Krıstıan Skaronı keler jyly da «Astana» sapynda óner kórsetedi

ASTANA. QazAqparat – Bıyl shilde aıynyń sońynda «Astana Qazaqstan Team» komandasynyń qataryna qosylǵan ıtalııalyq veloshabandoz Krıstıan Skaronı keler maýsymda da osy top sapynda óner kórsetpek. Ol 2023 jylǵa arnalǵan jańa kelisimshartqa qol qoıdy, dep habarlaıdy QazAqparat tilshisi velokomandanyń resmı saıtyna silteme jasap.

«Sońǵy jarty jylda «Astana Qazaqstan Team» komandasynyń maǵan bergen jańa múmkindigi álemdik týrǵa joǵary deńgeıde daıyndalýyma jol ashty. Men komandanyń tolyq múshesine aınaldym dep oılaımyn. Oǵan meniń buǵan deıin keıbir sport dırektorlary jáne veloshabandozdarmen tanys bolǵanym sebep. Osy aılardyń ishinde komandanyń alǵa qoıǵan maqsattaryna qol jetkizýine óz kómegimdi tıgizdim, qolymnan kelgenniń barlyǵyn jasadym. Men úshin kelisimshart merzimin uzartý mańyzdy. «Astana Qazaqstan Team» komandasymen birge bolǵan ýaqyt ishinde keremet qoldaýǵa ıe boldym. Sondyqtan onyń sapynda sporttyq mansabymdy jalǵastyratynyma qýanyshtymyn. Men úshin álemdik týrdaǵy tolyq maýsym úlken qadam bolmaq», - dedi Krıstıan Skaronı.

25 jastaǵy Krıstıan Skaronı bolashaǵynan zor úmit kúttiretin sportshylardyń biri. Veloshabandoz búginginiń ózinde taýly aımaqtarda ótken jarystarda úzdikter qatarynan kórine bildi. Ol bıylǵy kúrdeli maýsymǵa qaramastan, «Adrıatıka-Ionıka» kezeńderinde eki ret jeńis tuǵyrynan kórinip, bir kúndik «Koppa Bernokkı» jarysynda 7-shi oryndy ıelendi.

Tegı:
Sport   Qoǵam  
Seriktester jańalyqtary

Jańalyqtar