Italııada qatty qurǵaqshylyqqa baılanysty tótenshe jaǵdaı jarııalandy
2022 jylǵy 28 maýsym 08:32

Italııada qatty qurǵaqshylyqqa baılanysty tótenshe jaǵdaı jarııalandy

BRıÝSSELЬ. QazAqparat – Dúısenbi kúni Italııanyń Lombardııa provıntsııasynyń gýbernatory Attılıo Fontana elde jalǵasyp jatqan qatty qurǵaqshylyqtyń bul aımaqta buryn-sońdy bolmaǵanyn málimdedi, dep habarlaıdy QazAqparat ANSA aqparat agenttigine silteme jasap.

Bul – Italııada sońǵy 70 jyldaǵy eń aýyr qýańshylyq. Jaýyn-shashyn mólsheri sońǵy úsh onjyldyqtaǵy ortasha kórsetkishpen salystyrǵanda eki ese azaıdy. Eldiń ortalyq jáne ońtústik óńirlerinde sý tapshylyǵy jıi baıqalady.

«Lombardııa tarıhynda mundaı daǵdarys eshqashan bolǵan emes», - dedi gýbernator A.Fontana juma kúni Lombardııanyń qurǵaqshylyqqa baılanysty tótenshe jaǵdaı jarııalaǵannan keıin.

Lombardııa - Italııanyń soltústigindegi eń iri provıntsııalardyń biri. Jergilikti bılik engizgen qaýly barlyq azamattardy «sýdy óte únemdi, turaqty jáne tıimdi paıdalanýǵa, onyń tutynýyn qajetti mınımýmǵa deıin shekteýge» úndep otyr.

Osyǵan baılanysty Mılan bıligi demalys kúnderi sýburqaqtaryn óshirip jatqanyn málimdedi. Azamattyq qorǵanys departamentiniń basshysy Fabrıtsıo Kýrchıo Italııadaǵy eń uzyn ózen Po ózenindegi sýdyń kólemi ádettegiden 80 paıyzǵa azaıǵanyn aıtty. Ol muny sońǵy ýaqytta jaýyn-shashyn deńgeıi sońǵy jyldardaǵy ortasha deńgeıden 40-50 paıyzǵa, al qysta jaýatyn qardyń 70 paıyzǵa azaıǵanymen túsindirdi.


Uqsas jańalyqtar

Jańalyqtar

Úrdis

MURAǴAT