Italııa chempıonaty: «ıÝventýs» zań buzǵany úshin 15 upaıynan aıyryldy
ASTANA. QazAqparat – Qarjylyq zańbuzýshylyq úshin fýtboldan Italııa chempıonatynda «ıÝventýs» klýby 15 upaıynan aıyryldy, dep habarlaıdy QazAqparat tilshisi.
Italııa fýtbol federatsııasynyń (FIGC) baspasóz qyzmetinen málim etkenindeı, federaldyq apellıatsııalyq sot prokýratýranyń ótinishin ishinara qanaǵattandyrǵan.
Osylaısha, 15 upaıynan aıyrylǵan «ıÝventýs» (Týrın) týrnır kestesinde úshinshi orynnan 10-satyǵa syrǵydy. Qazir onyń esebinde 22 upaı bar.
Federaldyq apellıatsııalyq sot sonymen qatar klýbtyń burynǵy prezıdenti Andrea Anellı men burynǵy atqarýshy dırektor Maýrıtsıo Arrıvabeneni 24 aıǵa, burynǵy sporttyq dırektor Fabıo Paratıchıdi 30 aıǵa, burynǵy vıtse-prezıdent Pavel Nedvedti 8 aıǵa fýtbol qyzmetinen shettetý týraly sheshim qabyldady.
Anellı, Nedved jáne Arrıvabene qarasha aıynda qyzmetinen ketken bolatyn. «ıÝventýs» basshylary qarjylyq basqarýǵa baılanysty zań buzdy dep kúdikke ilingen edi. Atap aıtqanda, tergeý qate qarjylyq derekter, oıynshylardy satyp alǵan kezde burmalaýlarǵa qatysty boldy. Ótken jylǵy sáýir aıynda FIGC soty kúdiktilerdi aqtaǵan edi.
«ıÝventýs» Italııa birinshiliginiń 19-týrynda erteń «Atalanta» klýbyn qabyldaıdy. 15 upaıynan aıyrylǵannan keıin týrındik komandanyń aldyńǵy oryndarǵa qaıta kóterilýi neǵaıbyl.
Eske sala keteıik, budan buryn «Inter» klýbynyń Italııanyń sýperkýbogin utyp alǵanyn jazǵan edik.
Foto: Foto - Chempıonat saıty
