+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Ispanııalyq ǵalym Qazaqstannyń «Dostyq» ordenimen marapattaldy

2020 jylǵy 16 qyrkúıek 13:48
Bólisińiz:
Ispanııalyq ǵalym Qazaqstannyń «Dostyq» ordenimen marapattaldy

MADRID. QazAqparat – Qazaqstannyń Ispanııadaǵy Elshiliginde Komplýtens ýnıversıtetiniń fılologııa ǵylymdarynyń doktory Marııa Sanches Pýıdjge ІІ dárejeli «Dostyq» ordenin tabystaý rásimi ótti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, atalmysh ataq ıspanııalyq ǵalymǵa Qazaqstan men Ispanııa arasyndaǵy dostyq qarym–qatynastardy nyǵaıtýǵa qosqan eleýli úlesi jáne Abaı Qunanbaıulynyń murasyn nasıhattaýǵa qosqan úlesi úshin berildi.

Іs-sharany ashqan Qazaqstan Elshisi Konstantın Jıgalov ıÝNESKO-nyń qoldaýymen bul saltanatty kún búkil álemde keńinen atap ótiletinin jáne bul álemdik deńgeıdegi danyshpandar qataryna jatqyzýǵa laıyq adamǵa degen qurmet ekenin atap ótti. Qazaqstan Prezıdenti Qasym-Jomart Toqaevtyń tapsyrmasy boıynsha Úkimet 10 tamyzdy «Abaı kúni» dep belgilep, ony Qazaqstan Respýblıkasynyń memlekettik merekeler tizimine engizdi.

K. Jıgalov joǵary memlekettik nagradany tabystaı otyryp, Abaıdyń ıspan tilindegi «Qara sózderi», Qazaqstannyń Tuńǵysh Prezıdenti – Elbasy Nursultan Nazarbaevtyń «Táýelsizdik dáýiri» kitabynyń, qazirgi qazaq prozasynyń antologııasynyń jáne t.b. tamasha aýdarmalarymen, sondaı-aq joǵary deńgeıdegi saparlar barysynda aýdarmashy retindegi joǵary kásibı jumysymen tanylǵan M.Sanches Qazaqstan men Ispanııa halyqtary men mádenıetteriniń jaqyndasýyna belsendi yqpal etkenin atap ótti.

Óz kezeginde M. Sanches el basshylyǵyna osyndaı joǵary marapat úshin shyn júrekten alǵys aıtty. Ol Elbasy N.Nazarbaevtyń «Táýelsizdik dáýiri» atty kitabyn aýdarý jumysy barysynda onyń ıdeıalary men saıasatyna tereńdeýdiń arqasynda úlken qurmet sezimi qalyptasqanyn aıtty.

Abaıdyń «Qara sózderin» keltire otyryp, ol danyshpannyń sózderi qazaq halqynyń jandúnıesiniń tereńdigin jáne onyń pragmatıkalyq damýǵa degen umtylysyn kórýge kómekteskenin atap ótti. Ol Abaıdy óz zamanynyń uly fılosoftarynyń biri dep atap, onyń kóptegen oılary osy kúnge deıin mańyzyn joǵaltpaǵanyn aıtty.

Іs-sharaǵa Ispanııa SІM-niń Soltústik Amerıka, Shyǵys Eýropa, Azııa jáne Tynyq muhıt óńiri elderi boıynsha Bas dırektory Ana Salomon, Eýroparlamenttiń burynǵy Birinshi vıtse-prezıdenti – ІІ dárejeli «Dostyq» ordeniniń kavaleri Aleho Vıdal-Kýadras, sondaı-aq Ispanııanyń qoǵamdyq-saıası jáne isker top pen BAQ ókilderi qatysty.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT