Ispanııada eki aptada koronavırýstyń 1,5 mln jýyq oqıǵasy anyqtaldy
2022 jylǵy 29 qańtar 18:30

Ispanııada eki aptada koronavırýstyń 1,5 mln jýyq oqıǵasy anyqtaldy

NUR-SULTAN. QazAqparat – Ispanııada sońǵy 14 kúnde koronavırýstyń 1,5 mıllıonǵa jýyq jańa jaǵdaıy anyqtaldy. Malı Respýblıkasyna Qytaı vaktsınalarynyń taǵy bir partııasy tegin jetkizildi. Olardy Qytaı bıligi jóneltti. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

Malı Respýblıkasy Qytaı eli qaıyrymdylyq maqsatta usynǵan koronavırýs vaktsınalarynyń taǵy bir partııasyn aldy. Bir kún buryn Bamako memleketiniń astanasyna QHR farmatsevtıkalyq kontserni óndirgen preparat partııasy keldi. Vaktsınalardy kútip alý rásimine QHR Elshisi Chen Chjıhýn men Malıdiń Densaýlyq saqtaý jáne áleýmettik damý mınıstri Demınatý Sangare qatysty. Mınıstr Qytaıdyń Malıge indetke qarsy dári-dármekterdiń birneshe partııasyn usynǵandyǵyn jáne bul pandemııamen kúresýge kómekteskenin, Qytaı vaktsınalary tıimdi jáne senimdi ekenin atap ótti.

Sońǵy eki aptada Ispanııada koronavırýstyń 1,5 mıllıonǵa jýyq jańa jaǵdaıy anyqtaldy. Biraq Densaýlyq saqtaý mınıstri Karolına Darıastyń aıtýynsha, Ispanııa indettiń altynshy tolqyny shyńynan ótti.

«KVI juqtyrý derekteri kún saıyn rastalýda. Degenmen biz kún saıyn aýrýshańdyq kórsetkishiniń tómendep kele jatqanyn kórip otyrmyz», - dedi Darıas.

Altynshy tolqyn kezinde ınfektsııalar sany bir jyl buryn belgilengen kórsetkishterden 7 ese kóp boldy. Sonymen qatar, reanımatsııa bólimshelerindegi aýrýhanaǵa jatqyzý jáne tósek-oryn toltyrý áldeqaıda tómen boldy. Darıastyń sózinshe, buǵan eldegi vaktsınatsııanyń joǵary deńgeıi (90 paıyzdan astamy), sondaı-aq aýyr zardaptary az «omıkron» shtamynyń erekshelikteri yqpal etti.


Jańalyqtar

MURAǴAT