Jańalyqtar  >
  Sport
Islamıadada sýǵa júzýshi Ádilbek Mýsın rekord jańartty
2022 jylǵy 17 tamyz 23:42

Islamıadada sýǵa júzýshi Ádilbek Mýsın rekord jańartty

NUR-SULTAN. QazAqparat - Túrkııanyń Konıa qalasynda ótip jatqan Islam yntymaqtastyǵy oıyndarynda qazaqstandyqtar júlde qoryn tolyqtyrdy, dep habarlaıdy QazAqparat tilshisi.

Islamıadada búgin qazaqstandyqtar sporttyń birneshe túrinen oıyn kórsetip jatyr.

Sýǵa júzýden batterfleı ádisimen 50 metrge jarysýda Ádilbek Mýsın aldyna jan salǵan joq. Ol Islam yntymaqtastyǵy oıyndarynyń rekordyn jańartty. Sondaı-aq, Qazaqstan rekordyna da túzetý engizdi.

Eske salsaq, budan buryn el quramasynan Ádilbek Mýsın 100 metr qashyqtyqqa batterflıaı ádisimen júzýde úzdik nátıjege qol jetkizdi. Kórsetkishi – 53,20 sekýnd.

Sondaı-aq, karate-do sportynan Qaısar Alpysbaı (60 keli) jeńis tuǵyryna kóterildi. Ol fınalda kýveıttik qarsylasynan aılasyn asyryp ketti.

Al áıelder arasynda 100 metrlik qashyqtyqta aralas estafetada Ksenııa Ignatova, Adelaıada Pchelıntseva, Danıela Dıý men Sofııa Ábýbákirova kúmiske qol sozsa, erler arasynda Egor Popov, Arsen Qojahmetov, Maksım Skazobtsov, Aıbek Qamzenov qola aldy.

Nátıjesinde qazaqstandyq sýǵa júzýshiler jaly komandalyq esepte ekinshi oryn aldy. Alda - Túrkııa quramasy.

Eske salsaq, budan buryn kıkboksıngten qazaqstandyq sportshylar úsh «altyn» aldy.

Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.

Bıylǵy dodaǵa 55 elden sportshylar keldi. Oıyndar 8 tamyzda bastalǵan, 18 tamyzda aıaqtalady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT