Jańalyqtar  >
  Sport
Islamıadada qazaqstandyq sýǵa júzýshiler eki qola aldy
2022 jylǵy 16 tamyz 22:56

Islamıadada qazaqstandyq sýǵa júzýshiler eki qola aldy

NUR-SULTAN. QazAqparat - Túrkııanyń Konıa qalasynda ótip jatqan Islam yntymaqtastyǵy oıyndarynda júzýden qazaqstandyq sheberler taǵy eki medal aldy, dep habarlaıdy QazAqparat tilshisi.


El quramasynan Adelaıda Pchelıntseva 100 metr qashyqtyqqa brass ádisimen júzýde márege úshinshi bolyp jetti. Kórsetkishi - 1.11.08 sekýnd.

Atalǵan qashyqtyqta ol jarys barysynda birinshi bolyp kele jatqan edi. Sońǵy sátterde syr berip, alǵashqy eki orynǵa túrkııalyq sýǵa júzýshiler ıe boldy.

Eske salsaq, Adelaıda Pchelıntseva 50 metrge brass tásilimen júzýde altyn medal jeńip alǵan bolatyn.

16 tamyzda sýǵa júzý sportynan qazaqstandyq Ksenııa Ignatova da qola medal ıelendi. K. Ignatova buǵan deıin 200 metr qashyqtyqta 02.15.76 nátıjesimen qola júldeger atanǵan edi.

Sondaı-aq Ádilbek Mýsın 100 metr qashyqtyqqa batterflıaı ádisimen júzýde úzdik nátıjege qol jetkizgenin jazdyq.

Al Sofııa Ábýbákirova 50 metr qashyqtyqqa batterflıaı ádisimen júzýde 27,17 sekýnd kórsetkishimen ozyq boldy.

Danıela Dıý 100 metr qashyqtyqqa erkin júzýde 00.58.80 nátıjesimen máreni úshinshi bolyp qıdy.


Foto: instagram.com/drs_kz


Uqsas jańalyqtar
Seriktester jańalyqtary

Jańalyqtar

Úrdis

MURAǴAT