Jańalyqtar  >
  Sport
Islam yntymaqtastyq oıyndary: Qazaqstandyq sýǵa júzýshi altyn medal jeńip aldy
2022 jylǵy 14 tamyz 00:40

Islam yntymaqtastyq oıyndary: Qazaqstandyq sýǵa júzýshi altyn medal jeńip aldy

NUR-SULTAN. QazAqparat - Qazaqstandyq sportshy Adelaıda Pchelıntseva 50 metrge brass tásilimen júzý jarysynda top jaryp, Islam yntymaqtastyq oıyndarynyń altyn medalin jeńip aldy. Sondaı-aq, osy jarystyń rekordyn jańartty, dep habarlaıdy QazAqparat Sport jáne dene shynyqtyrý isteri komıteti janyndaǵy Sportty damytý dırektsııasynyń baspasóz qyzmetine silteme jasap.

«El qorjynynda 13-inshi altyn medal jáne Islam yntymaqtastyq oıyndarynyń rekordy!
Fınalda Adelaıda Pchelıntseva brass tásilimen júzýde 50 m qashyqtyqty 31.71 sekýnd ýaqytta baǵyndyryp Islam oıyndarynyń rekordyn jańartty.


Otandasymyz óziniń sheberlik deńgeıin kórsetip, qarsylas shaq keltirmedi. Túrkııa eliniń sportshylary Gıýnesh pen Samanchıdi kúmis jáne qola medal aldy, al jerlesimiz altyn medaldy oljalady» delingen habarlamada.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT