+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Іshki naryqty azyq-túlik taýarlarymen tolyqtyrý qadamy qandaı

2020 jylǵy 23 qazan 13:49
Bólisińiz:
Іshki naryqty azyq-túlik taýarlarymen tolyqtyrý qadamy qandaı

NUR-SULTAN. QazAqparat - QR Aýyl sharýashylyǵy mınıstri Saparhan Omarov agroónerkásiptik keshendi damytý jóninde jańa ulttyq jobany ázirleý boıynsha aýqymdy mindet turǵanyn aıtty, dep habarlaıdy QazAqparat tilshisi.

«Qazirgi ýaqytta bizdiń aldymyzda kelesi «besjyldyqqa» arnalǵan agroónerkásiptik keshendi damytý jóninde jańa ulttyq jobany ázirleý boıynsha aýqymdy mindet tur. Onyń negizgi mindetteri: ishki naryqty áleýmettik mańyzy bar azyq-túlik taýarlarymen molaıtý. Bul másele boıynsha 2023 jyldyń sońyna qaraı ishki naryqty negizgi tamaq ónimderimen tolyqtaı molyqtyrýǵa múmkindik beretin Іshki naryqty otandyq azyq-túlik taýarlarymen barynsha qamtý jónindegi keshendi jospardyń jobasy ázirlengenin atap ótkim keledi», - dedi S. Omarov Senattaǵy aýyldyq aýmaqtardy damytý jónindegi parlamenttik tyńdaýda.

Sonymen qatar ol 1 mln aýyl turǵynynyń tabysyn turaqty arttyrý, eńbek ónimdiligin 2,5 ese kóterý, óńdelgen agroónerkásiptik keshen óniminiń eksportyn 2 esege ulǵaıtý basymdyqtary bar ekenin eske saldy.

«Osy mindetterdi iske asyrý úshin qoljetimdi qarjylandyrý, jer qatynastary, agrarlyq ǵylymdy damytý, salany tsıfrlandyrý, veterınarııalyq jáne fıtosanıtarııalyq qaýipsizdikti qamtamasyz etý máseleleri, sondaı-aq shıkizattyń ǵana emes, onyń óńdelgen ónimderiniń de eksporttyq áleýetin damytý máseleleri pysyqtalýda», - dedi mınıstr.

«Ekinshi mindet – aýyldaǵy kooperatsııany yntalandyrý sharalaryn ázirleý. Munda zákirlik kooperatsııamen qatar usaq fermerler men jeke qosalqy sharýashylyqtar bir-birimen ózara kooperatsııalanatyn kóldeneń kooperatsııany da damytý josparlanyp otyr. Kooperatsııany damytýǵa yntalandyrý úshin ınvestıtsııalyq sýbsıdııalaýda basymdyq jáne joǵary normatıvter túrinde memlekettik qoldaý sharalary qoldanylady. Mal sharýashylyǵyn sýbsıdııalaý qaǵıdalary aıasynda daıyndalǵan aýyl sharýashylyǵy shıkizatynyń qunyn arzandatý kózdelgen. Sondaı-aq, aýyl sharýashylyǵy kooperatıvteri úshin barlyq salyqtar boıynsha 70% jeńildikti kózdeıtin arnaıy salyq rejımi jumys isteıdi», - dedi S. Omarov.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT