Jańalyqtar  >

Іshki ister mınıstri polıtseıler halyqpen qalaı sóılesýi kerektigin aıtty

2022 jylǵy 30 qyrkúıek, 16:21
Іshki ister mınıstri polıtseıler halyqpen qalaı sóılesýi kerektigin aıtty

ÓSKEMEN. QazAqparat – QR Іshki ister mınıstri Marat Ahmetjanov Shyǵys Qazaqstan oblysynyń turǵyndarymen eseptik kezdesýinde polıtsııa jumysynyń tıimdiligin arttyrý maqsatynda qandaı sharalar atqarylyp jatqanyn aıtyp berdi, dep habarlaıdy QazAqparat tilshisi.

«Polıtseılerdi batys elderindegi sekildi halyqpen sypaıy sóılesýge úndep jatyrmyz. Ózine júgingen ár azamattan «Qalyńyz qalaı?», «Sizge qalaı kómektese alamyn?» dep surap, aıtqan máselesin muqııat tyńdaı bilýi shart. Biraq saqshylar shyn yqylasymen dál osylaı sóılesýi úshin olarǵa tıisti jaǵdaı jasalýy qajet. Eger úıi joq, jalaqysyn ýaqtyly ala almaı, aýyr júktemeden sharshap júrgen bolsa onda birdeńe talap ete almaısyń», - dedi mınıstr.

Onyń aıtýynsha, sondyqtan polıtsııa qyzmetkerleriniń materıaldyq jaǵdaıyn jaqsartýǵa, jumystaryn jeńildetý maqsatynda birqatar shara atqarylýda. Máselen, esep toltyrý sekildi kereksiz jumystardan bosatylyp jatyr.

«Buryn polıtseıdiń jumys ýaqytynyń 50% qaǵaz toltyrýǵa ketetin. Bul ústinen qaraıtyn basshylyqqa esep berý úshin jasalatyn. Al qazir ondaı joq. Osy ýaqytty ol halyqpen jumys isteýge jumsasa áldeqaıda tıimdi. Biraq bir kúnde bárin ózgerte salý múmkin emes. Bul baǵyttaǵy jumystardy aldaǵy ýaqytta da jalǵastyramyz», - dedi Marat Ahmetjanov.


Uqsas jańalyqtar
Seriktester jańalyqtary

Jańalyqtar