Іshimdik iship, sýǵa túsken 161 elorda turǵynyna aıyppul salyndy
2022 jylǵy 12 tamyz 17:20

Іshimdik iship, sýǵa túsken 161 elorda turǵynyna aıyppul salyndy

NUR-SULTAN. QazAqparat – Shomylý maýsymy bastalǵaly beri sýǵa túsý kezinde túrli zań buzýshylyq jasaǵan 189 adamǵa aıyppul salynǵan. Bul týraly Nur-Sultan qalasynyń Tótenshe jaǵdaılar departamenti azamattyq qorǵanys basqarmasynyń bastyǵy Ratbek Demeýbergen aıtty, dep habarlaıdy QazAqparat tilshisi.

«Shomylý maýsymy bastalǵaly beri QR Ákimshilik quqyq buzýshylyq kodeksine sáıkes, 189 adamǵa qatysty hattama toltyrylyp, aıyppul salyndy. Onyń ishinde 28 adam tyıym salynǵan jerlerde shomylǵan. Al, 161-i ishimdik iship, sýǵa túsken. Jalpy, shomylý maýsymy baltalǵaly beri elordalyq qutqarýshylar qalanyń sý aıdyndarynda 6 adamdy qutqardy. Olardyń barlyǵy jabdyqtalmaǵan jerlerde sýǵa shomylǵan», - dedi Tótenshe jaǵdaılar departamentiniń ókili.

Sonymen qatar, Ratbek Demeýbergen astanada sýǵa ketetinderdiń kóbi balalar ekenin aıtty. Onyń dereginshe, qaıǵyly jaǵdaılardyń 90 paıyzynda ata-analar búldirshinderin baqylaýsyz qaldyrady.

Foto: wallhere.com



Uqsas jańalyqtar
Seriktester jańalyqtary

Jańalyqtar

Úrdis

MURAǴAT