Іshegi qata kúlip otyrǵan: Pavlodarda avtobýs júrgizýshisi esirtki qabyldap alǵan
2021 jylǵy 27 qarasha 23:15

Іshegi qata kúlip otyrǵan: Pavlodarda avtobýs júrgizýshisi esirtki qabyldap alǵan

PAVLODAR. QazAqparat – Pavlodarda avtobýs júrgizýshisi esirtki qabyldap, rýlge otyrǵan, dep habarlaıdy QazAqparat Pavlodarnews.kz saıtyna silteme jasap.

Patrýldik polıtsııa batalonynyń qyzmetkerleri Nurmaǵambetov kóshesinde baǵdarshamǵa toqtap turǵan «PAZ-32053» avtobýsy júrgizýshisiniń oǵash minezine nazar aýdarǵan.

Salonda eshkim bolmasa da, júrgizýshi qoldaryn erbeńdete bulǵap, shegi qata kúlip, únemi aınalasyna jaltaqtaýmen bolǵan. Polıtseıler tekserý úshin avtobýsty toqtatty.
Oblystyq Polıtsııa departamentiniń málimetine sáıkes, medıtsınalyq kýálandyrý júrgizýshiniń esirtkige elitip alǵanyn rastady.
Júrgizýshiniń aıtýynsha, ol aýyryp turǵandyqtan, esirtkini aýyrsynýdy basý úshin qabyldap alǵan.
Júrgizýshige qatysty QR ÁQBtK 608-babynyń 1-bóligi boıynsha ákimshilik is qozǵaldy.
Kólik quraly arnaıy aıyp turaǵyna qoıyldy. Materıal sotta qaralyp, sot qaýlysymen júrgizýshi 7 jyl merzimge kólik quraldaryn basqarý quqyǵynan aıyryldy, sondaı-aq 15 táýlik merzimge ákimshilik qamaýǵa alyndy.
Aıta keteıik, bıyl mas kúıinde kólik júrgizgeni úshin oblysta 1310 júrgizýshi ákimshilik jaýapkershilikke tartyldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT