Іri órt oshaqtaryn aýyzdyqtaýǵa 39 myń adamdyq qosymsha top ázirlendi - QR TJM
2022 jylǵy 26 sáýir 11:05

Іri órt oshaqtaryn aýyzdyqtaýǵa 39 myń adamdyq qosymsha top ázirlendi - QR TJM

NUR-SULTAN. QazAqparat - QR Tótenshe jaǵdaı mınıstri ıÝrıı Ilın Premer-Mınıstr Álıhan Smaıylovqa iri órtter bolǵan jaǵdaıda memlekettik organdardyń jumysy qalaı úılestiriletinin málim etti, dep habarlaıdy QazAqparat tilshisi.

«ıÝrıı Vıktorovıch, iri tabıǵı órt bolǵan jaǵdaıda ákimdikter men múddeli memlekettik organdardyń qyzmet kúshin tartý jáne úılestirý jumystary qalaı pysyqtalǵan?», - dep surady Álıhan Smaıylov Úkimet otyrysynda.

Mınıstrdiń aıtýynsha, bul baǵytta ádettegi jeke quramnan bólek qosymsha kúsh ázirlengen.

«Baıandamamda aıtqanymdaı, naýryz aıynda úkimettik josparymyzǵa túzetý engizilgen bolatyn. Ol jospar búkil atqarýshy jáne ortalyq memlekettik organdardyń maquldaýynan ótti. Qosymsha jumyldyrylatyn adam sany 39 myńnan asady. Bul top bolýy yqtımal iri órtterge tartylatyn bolady. Ókinishke qaraı, jergilikti atqarýshy organdardyń barlyǵy birdeı avıatsııalyq qyzmetterdiń biryńǵaı operatorymen kelisimshart jasaspaǵan. Al Orman sharýashylyǵy komıteti «QazAvıaQutqarý» mekemesimen tek 5 telim boıynsha ǵana órt núkteleri men ormandy patrýldeý kelisimsharttaryn jasaǵan. Bul baǵyttaǵy jumystar jalǵasyp jatyr. Mamyr aıynyń qorytyndysy boıynsha taǵy usynymdar beremiz», - dedi ıÝrıı Ilın.

Sondaı-aq, búgingi Úkimet otyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev ornyn otandyq ónimmen aýystyrýdy qajet etetin ımporttyq taýralardyń 3 sanatyn atady.


Seriktester jańalyqtary

Jańalyqtar

Úrdis

MURAǴAT