Irandaǵy jer silkinisinen bes adam qaıtys boldy
2022 jylǵy 2 shilde 12:47

Irandaǵy jer silkinisinen bes adam qaıtys boldy

TEGERAN. IRNA- QazAqparat — Irannyń ońtústiginde Hormozgan provıntsııasynda jer silkinisinen bes adam qaza taýyp, 39-y zardap shekti, dep habarlaıdy QazAqparat IRNA agenttigine silteme jasap.

6,1 balldyq jer silkinisi Irannyń ońtústiginde Hormozgan provıntsııasynda senbi kúni túnde boldy.
Birinshi dúmpýden keıin 33 aftershok bolǵan, olardyń eń qýattysy - 6,3 magnıtýdaly.
Jer silkinisiniń epıtsentri Hormozgandaǵy Bender-Leng qalasynan soltústik-shyǵysqa qaraı 61 shaqyrym jerde ornalasqan. Tereńdigi 10 km.
Qazirgi ýaqytta jerasty dúmpýinen 5 adam qaza taýyp, 39-y zardap shekken.
Eske salaıyq, buǵan deıin Iranda qýattylyǵy 6 baldyq jer silkinisi bolǵanyn habarlaǵan edik.


Sýret: www.independent.co.uk

Jańalyqtar

Úrdis

MURAǴAT