Irandaǵy Ýkraına ushaǵy eki zymyranmen atqylanǵan - tergeý

TEGERAN. QazAqparat – Osy jyldyń 8 qańtarynda Tegerannan Ýkraınaǵa ushyp bara jatyp, apatqa ushyraǵan jolaýshylar ushaǵyn jaqyn radıýstan «jer-aýa» klasynyń eki zymyrany atyp qulatqan, delingen Iran azamattyq avıatsııa uıymynyń tergeýi týraly ekinshi esebinde. Bul týraly QazAqparat Bloomberg-ke silteme jasap habarlaıdy.

Uqsas jańalyqtar

Irandaǵy ushaq apaty: Ýkraına úsh bap boıynsha tergeýdi bastady

Memleket basshysy Tegeran mańynda jolaýshylar ushaǵynyń apatqa ushyraýyna baılanysty kóńil aıtty

Esepke sáıkes, Tor-M1 zymyrandary soltústik baǵyttan Boeing 737-800 tarapyna qaraı jiberilgen.

Esepte ushaqtyń Tegerannan 6:12-de ushyp, 8100 fýt (2,47 shaqyrym) bıiktikte áýe dıspetcherimen baılanysty joǵaltqany aıtylǵan. Ol 06:15-te ekinshi baqylaý radarynyń ekranynan, 06:18 birinshi baqylaý radarynan kórinbeı qalǵan. Ushaq turǵyn úı aýdanynan ushyp ótip, qoǵamdyq saıabaq aýmaǵynda jerge qulaǵany anyqtaldy.

Budan bólek, ushaqtyń qara jáshigi men borttyń ózdiginen jazý quraly «álemdegi eń jetekshi qurylǵylardyń biri», al Iranda onyń maǵynasyn ashatyn apparatýra joq. Frantsýzdar men amerıkalyq agenttikter Iranǵa qajetti qural-jabdyqtar berýden bas tartqan.

Eske salaıyq, sársenbi, 8 qańtarda Tegeran ýaqytymen 6:00-de Imam Homeını atyndaǵy áýejaıdan Tegeran-Kıev baǵytymen ushqan «Ýkraına halyqaralyq áýe jelileri» áýe kompanııasynyń Boeing-737 ushaǵy apatqa ushyraǵan edi.

Ushaq bortynda 177 adam bolǵan: 168 jolaýshy men 9 ekıpaj múshesi. Onyń ishinde Irannyń – 82, Kanadanyń - 63, Ýkraınanyń - 2 + 9 (ekıpaj), Shvetsııanyń – 10, Aýǵanstannyń – 4, GFR-dyń – 3, Ulybrıtanııanyń 3 azamaty bolǵan. Olardyń barlyǵy qaza tapty.