+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Iran Iraktaǵy AQSh-tyń eki áskerı bazasyn zymyranmen atqylady

2020 jylǵy 8 qańtar 08:42
Bólisińiz:
Iran Iraktaǵy AQSh-tyń eki áskerı bazasyn zymyranmen atqylady

BAǴDAT. QazAqparat – AQSh pen olardyń odaqtastarynyń kúshi shoǵyrlanǵan Iraktaǵy eki áskerı bazaǵa Iran raketalyq shabýyl jasady, dep habarlaıdy QazAqparat.

Uqsas jańalyqtar
Qazaqstan men Iran SІM basshylary telefon arqyly sóılesti Irandaǵy avtobýs apaty: 9 adam mert bolyp, onnan astamy jaraqattandy Iran Qazaqstandaǵy ushaq apatyna baılanysty kóńil aıtty

AQSh Qorǵanys mınıstriniń qoǵammen baılanys boıynsha kómekshisi Djonatan Hoffman málimdemesinde 7 qańtar kúni keshki 17:30 shamasynda Iran áskerıleri Irak aýmaǵynda ornalasqan AQSh-tyń áskerı obektileri men áskerı koalıtsııalaryna 12-den astam ballıstıkalyq raketa jibergen. Iran raketalardy Ál Assad jáne Irbıd eki áskerı bazasyna baǵyttaǵany anyq.

Pentagon ókili qazirgi ýaqytta keltirilgen shyǵyn kólemi eseptelip jatqanyn aıtty.

«Sońǵy kúnderi Irannan tóngen qaýip-qaterge jaýap retinde AQSh Qorǵanys mınıstrligi qyzmetkerleri men seriktesterin qorǵaýdyń barlyq amaldaryn jasap jatyr. Iran rejımi bizdiń kúshterimizge shabýyl jasap, aımaqtaǵy múddemizge qarsy áreketterdi josparlaǵandyqtan, bul eki baza joǵary daıyndyqta boldy. Jaǵdaıdy baǵalaı otyryp, biz aımaqtaǵy AQSh qyzmetkerlerin, seriktester men odaqtastardy qorǵaý úshin barlyq sharalardy qoldanamyz. Ózgerister bolsa, habardar etip otyramyz», - dep atap ótti Djonatan Hoffman.

Aq úıdiń baspasóz hatshysy Stefanı Grıshem Twitter-degi paraqshasyna AQSh prezıdenti Donald Tramp pen onyń keńesshileri jaǵdaıdy muqııat baqylap otyrǵanyn málimdedi.

«Iraktaǵy AQSh bazasyna shabýyl jasalǵany bizge málim. Prezıdentke aqparat berdik. Ol jaǵdaıdy baqylaýda ustap, óziniń ulttyq qaýipsizdik tobymen aqyldasyp jatyr», -dep málimdedi AQSh prezıdentiniń baspasóz hatshysy Stefanı Grıshem.

Aq úıge Qorǵanys mınıstri Mark Esper men AQSh memlekettik hatshysy Maık Pompeo keldi.

BBC ırandyq basylymdarǵa silteme jasaı otyryp, Islam revolıýtsııasynyń kúzet korpýsy amerıkalyq bazalarǵa Súleımanı generaldyń ólimine baılanysty kek alý úshin oq jaýdyrdy dep málimdedi. Amerıkalyq bazalarǵa 30-dan asa zymyran ushyrylǵan. Qurban bolǵan adamdar týraly málimet ázirge belgisiz. Iran telearnasy Ál-Asadtaǵy bazany zymyranmen atqylaý sátinen kadrlar kórsetti.

Buǵan deıin habarlanǵandaı, CNN telearnasyna bergen eksklıýzıvti suhbatynda Islam revolıýtsııasy joǵarǵy kóshbasshysynyń áskerı keńesshisi Hameneı Hosseın Dehgan «Kýds» Islam revolıýtsııasy kúzet korpýsynyń arnaıy jasaq basshysy, general Kasem Súleımanıdiń ólimine baılanysty áskerıler men áskerı obektilerge qarsy qımyldar bolýy múmkin ekenin málimdegen.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT