+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Iraktan qaıtarylǵan balanyń ájesi: Tórt jastaǵy jıenimniń kózinen er jigittiń qaıǵysyn kórdim

2019 jylǵy 28 qarasha 18:54
Bólisińiz:
Iraktan qaıtarylǵan balanyń ájesi: Tórt jastaǵy jıenimniń kózinen er jigittiń qaıǵysyn kórdim

NUR-SULTAN. QazAqparat – Iraktan qaıtarylǵan búldirshinderdiń biriniń naǵashy ájesi tilshilerge suhbat berip, jıeniniń bóten elge qalaı tap bolǵanyn aıtyp berdi, dep habarlaıdy QazAqparat tilshisi.

Uqsas jańalyqtar
Sırııadaǵy soǵysqa attanǵan Dıas: Jeıtin tamaq tappaı, shóp jep, las sý iship kún kórdik Sırııadan oralǵan Shynar basynan ótkenderi týraly kitap jazbaqshy Qazaqstandyq kelinshekti Sırııa eki ulynan aıyrdy

Aıta ketsek, elordada ótken baspasóz máslıhatynda Syrtqy ister mınıstriniń orynbasary Erjan Ashyqbaev tilshilerge bala men ájesiniń esimin atamaı-aq qoıýdy ótindi. «Balanyń ómiri alda. Zııanyn tıgizip almaıyq» dep túsindirdi ol bul ótinishin.

Al jıeni jat jerden oralǵan áje Syrtqy ister mınıstrligi meni turaqty habarda ustaǵan konsýlǵa alǵysyn jaýdyrýmen boldy.

«2014 jyldyń sońynda meniń qyzym Túrkııaǵa jumysqa ketti. Arab tilin jetik biletin. Tuńǵysh jıenim ol kezde ekide edi. Ekinshisi alty aılyq náreste bolatyn. Jaǵdaıdyń bulaı bolaryn bilgende olardy eshqashan eshqaıda jibermes edim. Árdaıym baılanys ustap, skaıp arqyly sóılesip otyrdyq. Kúnderdiń bir kúninde qyzym habarlaspaı qoıdy. Biraz ýaqyt ótkennen keıin baılanysqa shyǵyp «Mama, men Sırııadamyn» dedi», - deıdi ol.

Qyzy anasyna keshke qaraı bir top adam kelip, ózderin balalarymen birge kólikke otyrǵyzyp, Sırııaǵa alyp ketkenin aıtypty.

«Qyzyma qashyp ketýdiń amalyn qarastyr degenimde, ol munda tuzaqqa túsip qalǵanyn aıtty. Baılanysta boldyq. Balalarynyń fotosýretterin jiberetin. Bir kúni habarlasyp, bul kúni Qazaqstanǵa oralǵan balasynyń týǵanyn aıtty. 6 aqpanda ol tórtke tolady. Fotosýretterdi qarap otyryp, men jıenimdi tanyp qoıdym (...) Irak jaqtan eshqandaı baılanys bolmaǵannan keıin balany alyp kete almap edik. Qazir bala elge jetkizildi», - deıdi ol.

Qazirgi ýaqytta zarly ana qyzy men eki jıenin izdep jatqanyn aıtady. Olardyń qaıda ekenin bilmeıdi. Sońǵy ret 2017 jyldyń 5 aqpanynda sóılesken.

«Jıenimdi kórgen kezde qatty ýaıymdadym. Balanyń jasy tórtke jaqyndap qalǵan. Meni tanymasa da jabysa ketti. Osydan soń kúlip, kózinen jas tamyp turdy. Qarasam, jıenim baqyrmaıdy, shaqyrmaıdy da. Jan-jaǵymdaǵy balalardyń bári baqyryp, ý da shý bolyp ketken. Al jıenimniń kózinen er adamnyń kóz jasyn kórdim. Sózben jetkize almaımyn. Tórt jastaǵy jıenimniń kózinen er jigittiń qaıǵysyn kórdim», - dep kóz jasyna erik berdi nemeresin tapqan áje.

Eske sala ketsek, QR Prezıdenti Qasym-Jomart Toqaevtyń tapsyrmasy boıynsha júzege asyrylǵan gýmanıtarlyq aktsııa nátıjesinde Irak túrmesinde óz analarynyń janynda jatqan 14 qazaqstandyq bala qaıtarylǵan bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT