+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Irakta koronavırýs gospıtalindegi órt qurbandarynyń sany 50-ge jetti

2021 jylǵy 13 shilde 09:24
Bólisińiz:
Irakta koronavırýs gospıtalindegi órt qurbandarynyń sany 50-ge jetti

BAǴDAT. QazAqparat – Iraktyń ońtústigindegi Nasırııa qalasynyń gospıtalinde bolǵan órt saldarynan kem degende 50 adam qaza taýyp, 70 adam zardap shekti, dep habarlaıdy QazAqparat Iraktyń INA aqparat agenttigine silteme jasap.

Dúısenbi kúni keshke Iraktyń Dı-Kar prorvıntsııasyna qarasty Nasırııa qalasynda koronavırýs ınfektsııasyna shaldyqqandarǵa arnalǵan «Imam Hýseın» emhanasynda órt bastaldy.

Jalyn medıtsına mekemesiniń barlyq bólimderin sharpyǵan. Provıntsııanyń densaýlyq saqtaý departamenti órttiń ottegi ballondary saqtalyp turǵan qoımadan bastalǵanyn málimdedi.

Sońǵy málimet boıynsha, órt sóndirýshiler aýrýhanada ondaǵan patsıent pen qyzmetkerlerdiń shyǵar jolyn buǵattaǵan jalynnyń taralýyn toqtatty.

Provıntsııada tótenshe jaǵdaı rejımi jarııalanǵan.

Oqıǵa ornyna Iraktyń premer-mınıstri Mustafa Kazymı shyǵyp, mınıstrler jáne qaýipsizdik qyzmetiniń joǵary komandovanıesimen shuǵyl kezdesý ótkizdi.

Densaýlyq saqtaý departamentinen atap ótkendeı, dúısenbi kúni bolǵan órtten qaza bolǵandardyń sany ósýi múmkin, sebebi kóptegen patsıentter áli de iz-túzsiz joǵalǵandar qatarynda.

Olardyń aıtýynsha, qaza bolǵandar arasynda eki medıtsına qyzmetkeri bar.

Osy arada aýrýhana aldynda ashýǵa býlyqqan týystar jınalyp, polıtsııamen qaqtyǵysqa túsýi saldarynan polıtsııa qyzmetiniń eki kóligi órtendi, dep habarlaıdy Reuters.

Irakta osyǵan uqsas órt oqıǵasy alǵash ret bolyp turǵan joq.

Sáýirde Baǵdatta kovıd gospıtalinde bolǵan órt saldarynan 82 adam qaza taýyp, taǵy 110-y zardap shekti. Órttiń shyǵýyna ottegi ballonynyń jarylýy sebep bolǵan.


Bizdiń kanalymyzǵa jazylyńyz:

#Oqıǵa   #Álem  
Bólisińiz:

Avtor:

Zarına Týǵanbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT