Investor retinde keletin nemis kásipkerlerine jeńildik jasaýǵa nıettimiz – QR Prezıdenti

BERLIN. QazAqparat – Qazaqstan Prezıdenti Qasym-Jomart Toqaev Germanııaǵa resmı sapary barysynda GFR-diń eks-kantsleri Gerhard Shredermen kezdesti, dep habarlaıdy QazAqparat Aqordaǵa silteme jasap.

Uqsas jańalyqtar

Qasym-Jomart Toqaev: Zańǵa sáıkes Úkimet otstavkaǵa ketýi tıis

Parlamentte halqymyzdyń taǵdyry týraly keń aýqymdy pikirtalas bolýy kerek – Prezıdent

Kezdesý barysynda Qazaqstan men Germanııa arasyndaǵy yntymaqtastyqtyń aıasyn keńeıtý jáne eki eldiń iskerlik baılanystaryn nyǵaıtý múmkindikteri talqylandy.

«Germanııa álemde tórtinshi iri ekonomıka bolyp sanalady. Alaıda, bizdiń elge salynǵan ınvestıtsııa kólemi boıynsha 12-orynda. Qazaqstanǵa ınvestor retinde keletin nemis kásipkerlerine arnaıy jeńildikter jasaýǵa nıettimiz. Bizde arnaıy ekonomıkalyq aımaqtar bar. Sondyqtan olarǵa erekshe jaǵdaı jasaımyz», – dedi Qasym-Jomart Toqaev.

Gerhard Shreder Qazaqstannyń ınvestorlar tartýǵa baǵyttalǵan sharalaryna oń baǵa berip, ekonomıkanyń naqty sektoryndaǵy birlesken bıznes-jobalardy júzege asyrý jóninde óz usynysyn aıtty. Belgili saıası qaıratkerdiń pikirinshe, Qazaqstan nemistiń iri kompanııalaryna ǵana kóńil bólip qoımaı sondaı-aq, Germanııanyń shaǵyn jáne orta bıznesiniń áleýetin de eskerýi qajet.