+7 (701) 759 90 19
USD 426.14 EUR 517.08
RUB 5.74 CNY 66.17
Jańalyqtar

Investıtsııalyq shtab otyrysynda I toqsandaǵy ınvestıtsııa tartý qorytyndysy qaraldy

2021 jylǵy 16 sáýir 18:18
Bólisińiz:
Investıtsııalyq shtab otyrysynda I toqsandaǵy ınvestıtsııa tartý qorytyndysy qaraldy

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen ótken Investıtsııalyq shtab otyrysynda 2021 jyldyń I toqsanyndaǵy ınvestıtsııalardy tartý boıynsha atqarylǵan jumystyń qorytyndy kórsetkishteri qaraldy, dep habarlaıdy QazAqparat primeminister.kz-ge silteme jasap.

Uqsas jańalyqtar

Ulttyq ekonomıka mınıstri Áset Erǵalıev 2021 jyldyń І toqsanynda negizgi kapıtalǵa salynǵan ınvestıtsııalar kólemi 9,6%-ǵa qysqarǵanyn aıtty. Taý-ken óndirisi ónerkásibin esepke almaǵanda, negizgi kapıtalǵa salynǵan ınvestıtsııalar kólemi 34% deńgeıinde ósim kórsetti.

Negizgi kapıtalǵa salynǵan ınvestıtsııalar boıynsha oń ósim qarqynyna 15 óńirde jáne respýblıkalyq mańyzy bar qalalarda qol jetkizildi. Kósh bastaýshy óńirler — Túrkistan (67,4%), Jambyl (32,9%), Qostanaı (23,3%), Qaraǵandy (22,8%), Soltústik Qazaqstan (20,6%) oblystary, sondaı-aq Shymkent (45,8%) jáne Almaty (34,5%) qalalary boldy. Batys Qazaqstan (-48,7%) jáne Atyraý (-39,8%) oblystarynda artta qalýshylyq baıqalady.

«Kazakh Invest» UK» AQ basqarma tóraǵasy Meıirjan ıÝsýpov AÓK, farmatsevtıka, hımııa jáne metallýrgııa ónerkásibi sekildi salalarda $4,2 mlrd astam somaǵa pysyqtaý deńgeıi joǵary 12 jobany daıyndaý barysy týraly baıandady.

2021 jyldan bastap 2025 jylǵa deıingi kezeńde jalpy ınvestıtsııa somasy 45,5 trln teńge ($100 mlrd) bolatyn 2500-den astam jobany iske asyrý kózdelgen. Atalǵan jobalardy iske asyrý 2025 jylǵa qaraı negizgi kapıtalǵa salynatyn ınvestıtsııalar boıynsha JІÓ 30% deńgeıinde nysanaly ındıkatorǵa qol jetkizýge múmkindik beredi.

Investıtsııalar tartý jumystary týraly tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın, Túrkistan oblysynyń ákimi Ómirzaq Shókeev jáne Soltústik Qazaqstan oblysynyń ákimi Qumar Aqsaqalov baıandady.

Tsıfrlyq damý, ınnovatsııalar jáne aeroǵarysh ónerkásibi mınıstri B. Mýsın 2021-2025 jyldarǵa TsDIAÓM baılanys jáne telekommýnıkatsııa, tsıfrlyq maınıngti damytý, aeroǵarysh ónerkásibi, AT-salasy, elektrondyq ónerkásip salalarynda jalpy somasy 1,5 trln teńge bolatyn 170 jobany iske asyrýdy maqsat etip otyrǵanyn atap ótti. Bıyl 265 mlrd teńge somasyna 64 jobany iske asyrý josparlanyp otyr.

Túrkistan oblysynyń ákimi Ó. Shókeev 2021-2025 jyldarǵa ákimdik AÓK, jańartylatyn energetıka, týrızm, hımııa ónerkásibi jáne t. b. salalarda 27 myń jumys ornyn qura otyryp, jalpy somasy 2,6 trln teńge bolatyn 181 ınvestıtsııalyq jobadan turatyn pýl qurǵanyn baıandady. Bıyl 256 mlrd teńge somasyna 81 jobany iske asyrý kózdelgen.

Soltústik Qazaqstan oblysynyń ákimi Q. Aqsaqalov aldaǵy 5 jylda ákimdik AÓK, mashına jasaý, tsıfrlandyrý, farmatsevtıka, densaýlyq saqtaý, TMK jáne t. b. salalarda 1,5 trln teńge somasyna 66 jobadan turatyn pýl qurǵanyn atap ótti.

«Іshki jáne syrtqy ınvestıtsııalardy tartý jumysyn barlyq memlekettik organdar, óńirlerdiń ákimdikteri men kvazımemlekettik sektor sýbektileri júıeli negizde júrgizýi tıis», - dedi A. Mamın.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT