+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Investıtsııalyq keńes Qazaqstan ekonomıkasyn qalpyna keltirý perspektıvasyn qarastyrdy

2020 jylǵy 22 qazan 17:48
Bólisińiz:
Investıtsııalyq keńes Qazaqstan ekonomıkasyn qalpyna keltirý perspektıvasyn qarastyrdy

NUR-SULTAN. QazAqparat – Búgin QR Premer-Mınıstri Asqar Mamınniń tóraǵalyǵymen ótken Investıtsııalyq ahýaldy jaqsartý jónindegi keńes otyrysynda pandemııadan keıingi kezeńde Qazaqstan ekonomıkasyn qalpyna keltirý máseleleri qaraldy, dep habarlaıdy QazAqparat primeminister.kz saıtyna silteme jasap.


Málim etilgendeı, Qazaqstan Respýblıkasyndaǵy halyqaralyq qarjy ınstıtýttary men ınvestıtsııalyq qoǵamdastyqtyń perspektıvasy jóninde Qazaqstanda akkredıttelgen AQSh elshisi Ý. Mozer, Ulybrıtanııa elshisi M. Gıfford, Kanada elshisi N. Brýsso, Eýropalyq odaq elshisi Sven Olov Karlsson, EYDU Eýrazııalyq bólimshesiniń dırektory Ý. Tompson, EQDB ókildiginiń dırektory A. Preımanıs, Qazaqstandaǵy «Shell» kontserniniń tóraǵasy O. Lazar, sondaı-aq EY jáne Deloitte kompanııalarynyń ókilderi baıandady.

QR ınvestıtsııalyq saıasaty men daǵdarysqa qarsy qabyldanyp jatqan sharalar týraly Ulttyq ekonomıka mınıstri R. Dálenov túsinik berdi.

«Úkimet qabyldaǵan daǵdarysqa qarsy sharalar pandemııa saldarynan ekonomıkalyq quldyraýdy báseńdetýge múmkindik berdi – ekonomıkanyń naqty sektorynda, atap aıtqanda, qurylysta (10,5%), aýyl sharýashylyǵynda (5%) jáne óńdeý ónerkásibinde (3,3%) oń dınamıka saqtaldy», — dedi A. Mamın.

Úkimet basshysy Eýropalyq qaıta qurý jáne damý banki, Azııa damý banki, Halyqaralyq valıýta qory, sondaı-aq Moody's, Fitch, and Standard&Poor's reıtıng agenttikteri sııaqty jetekshi halyqaralyq qarjy ınstıtýttary QR ekonomıkasynyń damýynyń oń boljamyn rastaǵanyn atap ótti.

Premer-Mınıstr ekonomıkanyń odan ári ósýin qamtamasyz etý jáne pandemııadan keıingi jańa shynaıy jaǵdaılarda onyń sapaly jáne turaqty damýy úshin negiz qalyptastyrý maqsatynda Qazaqstannyń 2025 jylǵa deıingi Strategııalyq damý jospary ázirlengenin atap ótti.

Bul rette, Úkimet sheteldik kapıtaldy tartýdyń jańa tujyrymdamasyn iske asyratyn bolady.

«Bul jumystyń qaǵıdattarynyń biri jobalardy daıyndaý men iske asyrýdyń árbir satysynda ınvestorlarǵa targettelgen kózqaras bolmaq», — dedi A. Mamın. Úkimet basshysy árbir strategııalyq ınvestor úshin saralanǵan qoldaý «paketterin» qamtamasyz etetin arnaıy ınvestıtsııalyq kelisimderge qol qoıylatynyn atap ótti. «Investıtsııa tartý – bizdiń jańa ekonomıkalyq modelimizdiń negizgi aspektisi. Biz Qazaqstannyń halyqaralyq ustanymyn senimdi ári boljamdy ınvestıtsııalyq baǵyt retinde odan ári nyǵaıtý jónindegi usynymdardyń tıimdi oryndalýyn qamtamasyz etemiz», — dep túıindedi A. Mamın.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT