+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Internette jalǵan vaktsına pasportyn usynǵan 35 habarlandyrý buǵattaýǵa joldandy - ІІM

2021 jylǵy 12 shilde 11:56
Bólisińiz:
Internette jalǵan vaktsına pasportyn usynǵan 35 habarlandyrý buǵattaýǵa joldandy - ІІM

NUR-SULTAN. QazAqparat – Іshki ister mınıstrligi vaktsına pasporty men PTR-testileý anyqtamasyn qoldan jasaýdy usynǵan 35 habarlamany buǵattaýǵa joldady, dep habarlaıdy QazAqparat tilshisi.

Uqsas jańalyqtar
Qazaqstandyqtar 11 memleketke PTR test tapsyrmaı saparlaı alady Jambylda qoldan vaktsına pasportyn jasaǵan 30 fakt anyqtaldy – agenttik Astanada 3 aı boıy vaktsına pasportyn qoldan jasap satqan top ustaldy

Bul týraly Іshki ister mınıstrliginiń baspasóz ókili Shuǵyla Turlybek vedmostvonyń aqparat alańynda aıtty.

«Keı azamattar qazirgi jaǵdaıdy paıdalanyp, tabys tabýǵa tyrysyp júr. Olar PTR testileý qorytyndysy men vaktsına pasportyn qoldan jasaıdy. Osylaısha vırýstyń taralýyna sebepker bolady. Jyl basynan beri ishki ister organdardy PTR testileý qorytyndysy men vaktsına pasportyn qoldan jasaýdyń, sondaı-aq, olardy paıdalanýdyń 30 jaǵdaıyn tirkedi», - dedi Shuǵyla Turlybek.

Mınıstrlik ókili Almaty qalasynda qajylyqqa baratyn adamdarǵa jalǵan vaktsına pasportyn rásimdegen týrıstik kompanııa týraly málimet berdi.

«Mysaly, Almaty qalasynda qajylardyń Saýd Arabııasyna ketýin rásimdeý kezinde vaktsına pasportyn jappaı daıyndaýǵa qatysy bar týrıstik kompanııa anyqtaldy. Sotqa deıingi tergeý júrip jatyr. Tintý kezinde uıymdastyrý tehnıkasy, mórler jáne blank ónimderi alyndy, sot saraptamalary taǵaıyndaldy. Jalǵan qujat daıyndaǵany úshin 4 jylǵa deıin bas bostandyǵynan aıyrý, al ony paıdalanǵany úshin 40 táýlikke deıin qamaýǵa alý túrindegi qylmystyq jaýapkershilik qarastyrylǵan», - deıdi vedomstvonyń baspasóz ókili.

Onyń aıtýynsha, saqshylar ınternettegi PTR-test anyqtamasy men vaktsına pasportyn usynatyn habarlamalardy jiti baqylaýǵa alǵan kórinedi.

«Internet jelisinde monıtorıng júrgizý kezinde biz derekter bazasynda resmı tirkelmegen anyqtamalardy nemese vaktsına pasporttaryn daıyndaý týraly jalǵan usynystardy anyqtaımyz. Biz qazirdiń ózinde ýákiletti organǵa buǵattaýǵa jatatyn osyndaı 35 habarlandyrýdy anyqtap, joldadyq. Іshki ister mınıstrligi osy indetpen baılanysty barlyq qylmystyq kórinisterge erekshe nazar aýdarady», - ded Shuǵyla Turlybek.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT