+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Internette SQO aýyldarynda júrgen qasqyr úıiri týraly vıdeolar tarady

2020 jylǵy 23 qańtar 11:00
Bólisińiz:
Internette SQO aýyldarynda júrgen qasqyr úıiri týraly vıdeolar tarady

PETROPAVL. QazAqparat – Soltústik Qazaqstan oblysynda aýyldarda júrgen qasqyr úıirleri týraly vıdeolar áleýmettik jelilerde tarap, halyqty ábigerge saldy. Alaıda, bul rolıkterdiń óńirge esh qatysy joq bolyp shyqty, dep habarlaıdy QazAqparat tilshisi.

Áleýmettik jelilerde taraǵan aýdıo jáne beınejazbalarda SQO turǵyndary bir uıa qasqyrdy Qyzyljar jáne Esil aýdandarynda kórgenin aıtýda. Tipti, «ıt pen malǵa shapqanyn» jazýda. Saldarynan sońǵy kúnderi óńir turǵyndary, ásirese aýyldy jerde turatyndar dalaǵa shyǵýǵa qorqatyn boldy.

SQO orman sharýashylyǵy jáne janýarlar dúnıesi aýmaqtyq ınspektsııasy bul aqparatty joqqa shyǵardy.

«Áleýmettik jelilerde taraǵan beıne-aýdıo jazbalar shyndyqqa janaspaıdy. Olardyń bizdiń óńirge esh qatysy joq. Kúzde de osyǵan uqsas aqparat tarady. Onda «Aqqaıyń aýdanynda ańshylar 4 qasqyrdy atyp aldy» dep shyqqan edi. Biz tıisti organdarmen máseleniń anyq-qanyǵyn anyqtadyq», - deıdi SQO orman sharýashylyǵy jáne janýarlar dúnıesi aýmaqtyq ınspektsııasynyń bólim jetekshisi Oleg Bespalov.

Mamannyń aıtýynsha, qasqyr óte saq janýar. Ózge aımaqtardan kelgen kúnniń ózinde túz taǵysyna oblys ormandarynda qajetti azyq jetkilikti. Biraq sońǵy on jylda óńirde qasqyr bolǵan emes.

«Jyl saıyn oblys aýmaǵynda jabaıy ańdardyń esebin júrgizemiz. Qasqyrlar sanyna da monıtorıng jasalady. Olardy ádette qysta sanaımyz. Biraq bizdiń óńirde túz taǵysy kezdespeıdi. Keı jyldary shekaralas aımaqtardan kiretini bar. Alaıda, olar eshkimge zııan keltirgen emes», - deıdi Oleg Bespalov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT