+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Internet arqyly esirtkini taratýshylarǵa qylmystyq jaýapkershilik belgileıtin bap engizildi - ІІM

2020 jylǵy 10 qańtar 18:28
Bólisińiz:
Internet arqyly esirtkini taratýshylarǵa qylmystyq jaýapkershilik belgileıtin bap engizildi - ІІM

NUR-SULTAN. QazAqparat - Esirtki satatyn ınternet saıttardyń jarnamasy bar graffıtı sýreti salǵandar úshin qylmystyq jaýapkershilikke tartylady, dep habarlaıdy QazAqparat QR ІІM baspasóz qyzmetine silteme jasap.

Uqsas jańalyqtar
Ashat Aımaǵambetov: Mektepterge ınternet qosatyn provaıderdiń tarıfi óte qymbat Bas prokýratýra qazaqstandyqtardyń jeke málimetteriniń taralyp jatqanyn joqqa shyǵardy Bıyl 1 myńnan astam aýyl jyldamdyǵy joǵary mobıldi ınternetpen qamtylady

Mınıstrlik baspasóz qyzmetiniń málimetinshe, bıylǵy jyldyń 11 qańtarynan bastap esirtkini nasıhattaıtyn jáne satatyn ınternet saıttardyń siltemesin taratýǵa baılanysty qylmystyq zańnamaǵa engizilgen ózgerister kúshine enedi.

«Qylmystyq kodekske esirtkini nasıhattaý nemese jarnamalaý úshin qylmystyq jaýapkershilik belgileıtin jańa 299-1-bap engizildi. Ol boıynsha úsh jylǵa deıin bas bostandyǵynan aıyrý túrindegi jaza kózdelgen.

Eger osy qylmys toppen, birneshe ret, bilim uıymdarynda nemese adam kóp jınalatyn orynda, buqaralyq aqparat quralyn nemese elektrondyq aqparat resýrsyn paıdalanyp, qyzmettik jaǵdaıyn paıdalanyp jasalsa 3 jyldan 6 jylǵa deıin bas bostandyǵynan aıyrý túrindegi jaza belgilenedi», delingen habarlamada.

Budan basqa birqatar qylmystyq baptarǵa «elektrondyq aqparattyq resýrstardy paıdalaný arqyly» degen jańa saralaý belgisi engizildi.

«Bul sharalar esirtkini taratýdyń jańa ádisteri boıynsha jazalaý úshin qajet. Bul degenimiz ınternet tehnologııany – saıttardy jáne áleýmettik jeli Instagram, Telegram, Facebook, sondaı-aq elektrondy tólem júıelerin (QIWI, «ıAndeks dengı» jáne t.b.) paıdalaný», - dep túsindirdi QR ІІM Esirtki qylmysyna qarsy is-qımyl departamenti bastyǵynyń orynbasary Nurtaı Ábilmájinov.

Atalǵan qylmystar aýyr jáne asa aýyr qylmystar sanatyna jatqyzylǵan. Elektrondy aqparattyq resýrstardy paıdalaný arqyly esirtki ótkizý 10 jyldan 15 jylǵa deıin bas bostandyǵynan aıyrýmen jazalanady. Elektrondy resýrstar arqyly esirtki qoldanýǵa kóndirý 3 jyldan 8 jylǵa deıin bas bostandyǵynan aıyrýǵa ákeledi. Olardyń kómegimen esirtki óndirisinde paıdalanylatyn zattardyń aınalymy úshin 7 jyldan 10 jylǵa deıin bas bostandyǵynan aıyrýdy kózdeıdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT