+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Insýltten keıin qalaı qalypqa kelýge bolady

2020 jylǵy 29 qańtar 03:41
Bólisińiz:
Insýltten keıin qalaı qalypqa kelýge bolady

ALMATY. QazAqparat – Almatyda №1 Qalalyq klınıkalyq aýrýhanasynda ınsýlttan, býyndardyń artroplastıkasynan jáne reabılıtatsııadan keıingi qalpyna keltirý boıynsha Ońtústik Koreıanyń tanymal professorlarynyń dáristeri men sheberlik sabaǵy ótti. Sheteldik áriptesterdiń tájirıbesin úırenýge Qazaqstannyń barlyq aımaqtarynan dárigerler keldi, dep habarlaıdy QazAqparat tilshisi.

Ońtústik Koreıa men qazaqstandyq dárigerler, ınsýlttan keıin qalaı ońalýǵa, tserebraldy sal aýrýyn naýqasqa zııan keltirmesten qalaı emdeýge bolady degen saýalǵa birge jaýap izdedi.

«Qazir ortopedııalyq jáne pedıatrııalyq reabılıtatsııa, ınsýlttan keıin ońaltý qyzmetteri Qazaqstanda keńinen tanymal, ońaltýǵa degen suranys kóp. Sondyqtan biz tek Almaty men Nur-Sultannan ǵana emes, sonymen qatar basqa qalalardan kelgen dárigerlerdiń biliktiligi men bilimin arttyrýdy uıǵardyq. 193 qazaqstandyq maman bes kún qatarynan professorlardan dáris aldy. Bizdiń oqytýshylarymyz týraly qysqasha aıtsaq: Ońtústik Koreıada fızıoterapevter qaýymdastyǵy bar, bul óte myqty sarapshylarmen tanymal uıym, dál sol jerden bizdiń oqytýshylar keldi, osy qaýymdastyqtyń prezıdenti de master-klasstarǵa qatysty. Master klass barysynda bólimshelerden patsıentterdi alyp kelip, naqty mysalda dıagnostıka, emdeý jáne ońaltý ádisterin kórsetti», - deıdi №1 Almaty qalalyq klınıkalyq aýrýhananyń neıroońaltý bóliminiń meńgerýshisi Ámına Seıdanova

Naýqastardy qozǵalys belsendiligi jáne ınsýlttan keıin serýendeýdi qalpyna keltirý qyzyqtyrdy, Ońtústik Koreıanyń professorlary Lı Gen Hı, Pak Kang-Hı jáne Pak Hen Sık barlyq suraqtarǵa jan-jaqty jaýap berdi.

«2013 jyldan bastap jeti jyl ishinde Severance -KZ halyqaralyq medıtsınalyq qory Qazaqstanda master-klastar, semınarlar, dárister ótkizip keledi, biz sheteldik ǵalymdardy, ataqty dárigerlerdi shaqyramyz, olardyń mol tájirıbesin bizdiń mamandarmen bólisemiz. Siz Eýropa men Izraılge saıahattap, qymbat qurylǵylarda fızıoterapııadan óte alasyz, biraq meniń oıymsha, eshqandaı mashına adamdy, dárigerdi almastyra almaıdy. Ońtústik koreıalyqtardyń ádisteriniń tıimdiligi men qupııalylyǵynyń áserinen olar qoldarymen jumys isteıdi, ıaǵnı naýqastyń denesi men bulshyqetine fızıkalyq áser etedi, tek adam basqa adamnyń aýyrsynýyn sezinedi jáne ony terapııanyń kómegimen alyp tastaıdy. Sheteldik professorlar búgingi tańda bizge jaqsy jańalyqtarymen bólisti», - deıdi Larısa An, «Severance -KZ» qorynyń prezıdenti.

Dárigerlerdiń aıtýynsha, Qazaqstanda ınsýlttan keıin durys qalpyna kelmegen kóptegen naýqastar bar, osylaısha múgedektik deńgeıi joǵarylaıdy. Tájirıbe kórsetkendeı, júıeli, keshendi tásil ınsýlt alǵan adamǵa dıagnozdy úkimmen teńestirmeı, tolyqqandy, sapaly ómir súrýge kómektesedi.

№1 Qalalyq klınıkalyq aýrýhananyń bazasynda neıroreabılıtatsııa bólimi bar. Bul Almaty qalasy men Almaty oblysyndaǵy jalǵyz tehnıkalyq jáne ǵylymı baza. Ol 2006 jyly terapevtik jáne profılaktıkalyq maqsatta qurylǵan. Munda bilikti mamandandyrylǵan medıtsınalyq kómek kórsetiledi, onyń ishinde mindetti medıtsınalyq saqtandyrý júıesi aıasynda aqyly qyzmet túrindegi ońaltý da bar.

«Klınıkanyń ereksheligi mıneraldy sýdy jáne emdik balshyqtyń jer asty kózin paıdalanady. Onda Chernobyl men Semeı polıgonynda zardap shekkender emdelýde», - dep qortyndylady Ámına Seıdanova.


Bizdiń kanalymyzǵa jazylyńyz:

Basty sózder: Almaty, Medıtsına,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT