+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Instagram-daǵy fıltrler laık sanyn azaıtady - Álemdik baspasózge sholý

2020 jylǵy 26 qańtar 15:43
Bólisińiz:
Instagram-daǵy fıltrler laık sanyn azaıtady - Álemdik baspasózge sholý

NUR-SULTAN. QazAqparat - «QazAqparat» HAA ádettegideı nazarlaryńyzǵa álemdik baspasózge sholýyn usynady.

Koronavırýstan qaza tapqandar sany 50-den, vırýs juqtyrǵandar 2 myńnan asty - VVS


QHR prezıdenti Sı Tszınpın Qytaıdaǵy koronavırýstyń taraý jyldamdyǵy kúrt artqanyn málimdedi, dep jazady VVS.

«Qytaı jańa jylyn toılaý sharasynan keıin QHR prezıdenti sheneýniktermen kezdesý ótkizip, memlekettiń qıyn jaǵdaıda ekenin aıtty. Onyń aıtýynsha, Ýhanda jańa vırýs anyqtalǵaly beri 56 adam qaza taýyp, 2 myńnan astam adam ınfektsııany juqtyrǵan», dep jazady basylym.

AQSh seısenbi kúni Ýhandaǵy konsýldyk qyzmetkerlerin arnaıy reıspen evakýatsııalaıtynyn habarlady. Al brıtan zertteýshileri Qytaı vırýstyń shetelde taraýyna shekteý qoıa almaıtynyna alańdaýshylyq bildirdi.

«Búkil Qytaı boıynsha týrıster vırýsqa tekserilip jatyr, birneshe qalada temirjol qyzmeti jabyq. Gonkongte tótenshe jaǵdaıdyń eń joǵary deńgeıi jarııalandy. Basqa memleketterde koronavırýs juqtyrǵan birneshe adamnan anyqtalyp jatyr», dep jazady basylym.

Ulybrıtanııadaǵy ınfektsııalyq aýrýlardy baqylaýdyń jahandyq ortalyǵy Qytaı vırýstyń taralýyn shekteı almaıtynyn aıtty. Mamandardyń paıymynsha, vırýsqa shaldyqqan ár adam ortasha eseppen 2,5 adamǵa juqtyrady. Sonymen qatar epıdemııany boldyrmas úshin vırýstyń taraýyn 60 paıyzǵa qysqartý kerektigi aıtylady.

«Keshe Aýstralııada 4 adam koronavırýs juqtyrǵanyn resmı túrde málimdedi. Frantsııada úsh adamda vırýs anyqtaldy. Koronavırýsqa shaldyqqandardyń barlyǵy derlik Qytaıǵa baryp kelgen», dep jazady avtor.

Kanada halqy Garrı men Megannyń kelýin qoldamady - Le Monde


Kanadanyń National Post basylymynda jarııalanǵan saýalnamada kanadalyqtardyń 61 paıyzy Garrıdiń Kanadadaǵy general gýbernator ıAǵnı Patshaıymnyń memlekettegi resmı ókili bolǵanyn qalaıtynyn jetkizgen. Degenmen, bir aptadan keıin kanadalyqtardyń 73 paıyzy óz salyqtarynyń Garrı men Megannyń Kanadada ómir súrýine jumsalǵanyna qarsy ekenin málimdegen, dep jazady Le Monde basylymy.

«Garrı men Megan Kanadada turatyn bolsa, Patshaıymnyń Kanadadaǵy atty polıtsııasy Garrı men Megannyń qaýipsizdigi úshin 1,17 mln evro bólýi tıis. Kanadanyń salyq tóleý federatsııasy Garrı men Megannyń qarjylyq táýelsizdigin qoldaıtynyn, biraq bul maqsatta olardyń shyǵynyn óteý úshin salyq tóleýshilerdiń qarjysyn paıdalanýǵa jol joq ekenin málimdedi», delingen maqalada. Avtordyń aıtýynsha, bir aptada petıtsııaǵa 50 myń adam qol qoıǵan.

Instagram-daǵy fıltrler laık sanyn azaıtady - Daily Mail


«Selfıge arnalǵan fıltrler laık sanyn arttyrýǵa keri áser etedi», dep jazady Daily Mail.

Nıý Djersıdegi Roýen ýnıversıtetiniń zertteýshileri Instagram-da jarııalanǵan selfılerge analız jasady. Olar fotofıltrdiń paıdalanylýy laık sanynyń az bolýyna áser etetinin anyqtady.

«Mamandar laık sanynyń artýy úshin sýrette jumys, hobbı nemese ekonomıkalyq statýstyń baıqalyp turýy mańyzdy ekenin aıtady», delingen aqparatta.

Zertteý avtorynyń aıtýynsha, sýret avtory qanshalyqty jaqsy kórinýge tyrysqanymen, aýdıtorııa ondaı sýretterden sonshalyqty qashqaqtaıdy. Al fotoda adam týraly qosymsha aqparattyń bolýy, mysaly, súıikti zattary, kásibı buıymdary nemese jumys kıimi fotoǵa qyzyǵýshylyqty arttyrady. Bul zertteý týraly Computers in Human Behaviour jýrnaly jazdy.

Davos-2020: Álemdik ekonomıkalyq platforma lektsııaǵa aınalyp ketti - Focus


Davosty qurǵan 81 jastaǵy Klaýs Shvab jumaqty qalady, biraq qubyjyq jasap shyǵardy, dep jazady Fokýs basylymy. Basylymnyń málimetinshe, Álemdik ekonomıkalyq platforma retinde oılastyrylǵan alań qazir qur dáris oqıtyn jerge aınalyp ketken.

«Davos forýmyndaǵy qatysýshylar ózimen-ózi sóıledi. Árqaısysy birdeńe aıtty, biraq eshkim qabyldamady. Úsh aýyz bolǵanymen, bir de bir qulaq tabylmady», dep jazady avtor.

Onyń aıtýynsha, halyq aldynda opponent bolǵan Donald Tramp pen Greta Týnberg rýhtas adamdar.

«Ekeýi de kemshiligimiz joq dep oılaıdy. Ekeýi de bir-birin syılamaıdy. Ekeýi de eshqandaı argýment aıtpaıdy», deıdi avtor.

Greta planetamyzdyń órtke oranyp jatqanyn aıtsa, Tramp pessımızmnen aýlaq bolýǵa shaqyrady. Avtordyń sózinshe, Osylaısha, 50 jyl buryn jahandyq dıalog uıymdastyrý úshin qurylǵan Davos forýmy óziniń mánin joıyp bara jatyr.

«Tramp jeńis, ulylyq týraly aıtady, Týnberg órt, panıka degen sózderdi qaıtalaı beredi. Forým mádenı turǵyda, ıntellektýaldy turǵyda keri ketip barady. Halyqqa aqyl aıtý qajet emes», deıdi avtor.


Bizdiń kanalymyzǵa jazylyńyz:

Basty sózder: BAQ, Álem,
Bólisińiz:

Avtor:

Aıkúmis Bolatbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT