+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Instagram arqyly 40-tan astam adamdy aldaǵan qyz 3,5 jylǵa sottaldy

2021 jylǵy 2 tamyz 12:31
Bólisińiz:
Instagram arqyly 40-tan astam adamdy aldaǵan qyz 3,5 jylǵa sottaldy

NUR-SULTAN. QazAqparat – Jambyl oblysynda Instagram arqyly áıelder kıimine tapsyrys qabyldap, jeli qoldanýshylarynan 2 mln teńgeden astam aqsha aldap alǵan azamatshaǵa sot úkim shyǵardy, dep habarlaıdy QazAqparat tilshisi.

Іshki ister mınıstrligi Tergeý departamentiniń bastyǵy Sanjar Ádilovtiń aıtýynsha, kúdikke ilingen azamatsha - 1995 jyly týǵan Jambyl oblysynyń turǵyny.

«Onyń ońaı aqsha tabý úshin Instagram arqyly áıelder kıimine tapsyrys qabyldap, oryndamaǵany belgili boldy. Áleýmettik jelide satylatyn kıimderdiń katalogyn jarııalaıtyn akkaýnt ashyp, jalǵan habarlandyrý ilgen. Onyń qolynda habarlandyrýda kórsetilgen taýardyń eshbiri bolmaǵan. Sóıte turyp, taýardyń baǵasyn 100 paıyz kóleminde aldyn ala tólem qabyldap, kýrer arqyly joldaýǵa ýáde bergen. Kýrerlik qyzmet tapsyrysty bir aptanyń ishinde jetkizetinin paıdalanyp, birneshe kún boıy alaıaqtyǵyn esh kedergisiz jalǵastyryp kelgen», - deıdi ІІM ókili.

Osy ýaqyt ishinde kúdiktiniń quryǵyna 40-tan astam adam ilingen.

«Kúdiktiniń qylmystyq áreketiniń kesirinen 40-tan astam adam aldanǵan. Materıaldyq shyǵynnyń jalpy kólemi 2 mln teńgeden asady. Qylmystyq is sotqa joldanyp, sot úkimimen azamatsha 3,5 jylǵa bas bostandyǵynan aıyryldy», - dedi Sanjar Ádilov.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT