Inklıýzıv bolashaq qurý men aımaqtyq dıalogty ilgeriletýde Ortalyq Azııany qoldaımyz - Eýroodaq komıssary
2022 jylǵy 16 maýsym 11:45

Inklıýzıv bolashaq qurý men aımaqtyq dıalogty ilgeriletýde Ortalyq Azııany qoldaımyz - Eýroodaq komıssary

ALMATY. QazAqparat – Almatyda ótip jatqan Ortalyq Azııa elderiniń Turaqty damý salasyndaǵy maqsattary boıynsha «COVID-ten tys jerde - Ortalyq Azııada ádildik negizinde qalpyna keltirý jolynda» ekinshi óńirlik Sammıtinde Eýropalyq odaqtyń halyqaralyq áriptestik jónindegi komıssary ıÝtta Ýrpılaınen beıneúndeý formatynda joldaý arnady, dep habarlaıdy QazAqparat tilshisi.

Komıssar ıÝtta Ýrpılaınen Eýropalyq odaqtyń Ortalyq Azııaǵa Turaqty damý maqsattaryna qol jetkizý isinde kómektesýge beıildiligin atap ótti.

«Biz neǵurlym turaqty jáne ınklıýzıvti bolashaq qurý men aımaqtyq dıalogty ilgeriletýde Ortalyq Azııany qoldaýǵa daıynbyz. Bizdiń jańa Global Gateway atty strategııamyz turaqty ári joǵary sapaly ınfraqurylym, jastardyń ınklıýzıvti daǵdylaryn damytý jáne aımaqtyń densaýlyq saqtaý júıeleriniń tózimdiligin nyǵaıtýǵa ınvestıtsııa salý arqyly Eýropa men onyń seriktesterin biriktirýge septigin tıgizedi», - dedi ol.

BUU Damý baǵdarlamasy Ákimshisiniń kómekshisi Ýsha Rao-Monarı óz sózinde Turaqty damý maqsattaryna tabysty qol jetkizý damý joldaryn túbegeıli ózgertýdi talap etetinin aıtty.

«2030 jylǵa deıin nebári segiz jyl qaldy, biz damýdy qalpyna keltirý jáne alǵa jyljý úshin kóbirek kúsh salýymyz kerek. Bul adamǵa ınvestıtsııa salýdy, áleýmettik qorǵaýdy jaqsartýdy, sapaly bilim berýdi, laıyqty jumys oryndaryn qurýdy, jańartylatyn energııa kózderine kóshýdi jáne barlyǵyna tsıfrlandyrýdy qamtamasyz etýdi talap etedi. Mundaı batyl áreketter Tdamý maqsattaryn qarjylandyrý júıesin qaıta qaraýdy talap etedi», - dep atap ótti BUU DB Ákimshisiniń Kómekshisi.

Eske salaıyq, búgin Almatyda Ortalyq Azııa elderiniń Turaqty damý salasyndaǵy ekinshi óńirlik Sammıti ótip jatyr . Sammıtti Qazaqstan Premer-mınıstri Álıhan Smaıylov ashty.

Foto: jamaica-gleaner.com

Uqsas jańalyqtar
Seriktester jańalyqtary

Jańalyqtar

Úrdis

MURAǴAT